COVID-19 dona atana MHA inkaihhruaina thar June 1, atanga hman tur

 Hri darh nasatna hmun Containment Zone-ah chuan khauh takin inkharkhip kalpui a ni ang a. Containment zone hi Health Ministry in inkaihhruaina a siam zulzuiin State/UT-te’n an siam dawn a ni.

Containment Zone pawnlamah chuan a tah tawlin thiltih khapte thlahdul a ni ang a; Unlock 1 (Inthlah zalen 1) ah hian economic lam ngaih pawimawh  a ni ang.

Tul bik thilah lo chuan mipui veivak tur venna atan zan dar 9 atang a zinglam dar 5 thleng zan curfew neih chhunzawm a ni ang. 

Aizawl | May 30, 2020: Union Ministry of Home Affairs (MHA) chuan vawiin khan COVID-19 dona atan inkaihhruaina thar a tichhuak a. Containment zone pawn lama a tah tawl a thil khap thlahdul chhoh dan tur pawh a tel a ni. He inkaihhruaina hi June ni 1, 2020 atang a hman tan tur a ni a, June ni 30, 2020 thleng hman tur a ni ang. Inthlah zalen 1 (Unlock 1) na ah hian economic lam ngai pawimawh a ni dawn a. He inkaihhruaina thar hi State leh UT-te nen uluk taka inrawn khawmna neih hmang a siam  a ni.
March ni 24, 2020 atang khan ramchhungah hian khauh takin inkharkhip kalpui a ni a. Nitin khawsakna atan a mamawh tihloh chu thildang zawng zawng khap vek a ni a. COVID-19 darh dan leh dinhmun thlir chungin inkharkhip hi thlahdul chhoh hret hret zel a ni.

Inkaihhruaina thar hnuaia kan kalphung tur

Hri darh nasatna hmun Containment Zone-ah chuan khauh takin inkharkhip kalpui a ni ang a. Containment zone hi Health Ministry in inkaihhruaina a siam zulzuiin State/UT-te’n an siam ang. Containment zone chhungah hian nitin khawsakna atan a mamawh tihloh chu thildang reng reng khauh taka khuahkhirh a ni ang. 

Containment Zone pawnlamah chuan inkharkhip hnuai a khap zawng zawngte chu Health Ministry-in Standard Operating Procedures (SOPs) a siam zawm chungin a tahtawlin thlahdul a ni ang:

Thawhkhatna I (June ni 8, 2020 atang a hawn phal turte)

Sakhaw hmun pawimawh leh Pathian biak inkhawmna hmuhte; 
Hotel, restaurant/thingpui dawr leh khual thlen/chhawnna hmun dangte; leh
Shopping mall-te. 

Health Ministry chuan a kaihhnawih Sorkarlaipui Ministry/Department leh thuneitu dangte be rawn chungin COVID-19 a darh lohna tur leh social distancing kalpui chhunzawm anih theihna turin a chung a tarlante zawm tur SOPs a siam ang. 

Thawhhnihna II 

School, college, educational/ training/ coaching institution leh a dangte chu State leh UT-te biak rawn annih hnuah hawn a ni ang a.  State Sorkar/ UT-te chu institution level a naupang nu leh pate leh mi pawimawh dangte be rawn tura hriattir an ni a. In biak rawnna atang a thuchhuak behchhanin July, 2020 ah zirna in hawn chungchang a thuthlukna chu siam a ni ang a. MoHFW in zirna in atana SOP a siam ang. 

Rampum huapin thil tlem a zawng chauh khap/khuahkhirh chhunzawm a ni ang. 
Ram dang a thlawhna hmang a zin; 
Metro rel tlan tir; 
Cinema hall, gymnasium, swimming pool, intihhlimna park, theatre, bar leh auditorium, assembly hall leh a kaihhnawih ang chi hmunte; leh,
Social/ political/ sport/ intihhlimna/ academic/ cultural/ sakhaw kaihhnawih function/ leh punkhawmna lian tham. 
Dinhmun thlir chungin a chung a tarlante hawn/tih phal hun tur chu Thawhthumna III ah ngaihtuah a ni ang. 

Mihring veivah leh bungraw phurhah inkhuahkhirhna/khapna a awm lovang

State inkar leh state chhung a mihring veivah  leh bungraw phurhah inkhuahkhirhna a awm dawn lova.  Hetiang atan hian permission(phalna)/ approval(pawmpuina)/ e-permit hranpa lak a ngai lovang.

Chutihrual chua, State/UT-in vantlang himna/public health kaihhnawih leh dinhmun a thlirna atang a mihring veivak khuahkhirh a duh a nih chuan zautakin veivah a khap tur leh kalphung zawm tur chungchang chu a puangzar tur a ni. 

Tul bik thilah lo chuan mipui veivak tur venna atan zan dar 9 atang a zinglam dar 5 thleng zan curfew neih chhunzawm a ni ang.

Social distancing ngaih pawimawh anih theihna atan ram pumpuiah COVID-19 kaihhnawih National Directives zawm chhunzawm tur a ni. 

Containment Zone pawn lama thiltih phal leh khap chungchang a thuthlukna chu State-te kut a dah a ni.

Dinhmun an zirchianna behchhanin State leh UT-te chuan Containment zone pawn lamah pawh a tul an tirh ang zelin khap chin leh inkhuahkhirhna an siam thei ang,.

Dinhmun derthawng zawkte himna atan

Dinhmun derthawng zawkte – kum 65 chung lam, natna benvawn nei, nu naupai leh naupang kum 10 hnuai lamte chu thil tul tak leh hriselna lam kaihhnawih anihloh chuan pawn chhuak lova inchhung a inkhung tura rawn an ni.

Aarogya Setu hman chungchang
Aarogya Setu mobile application hi hmanraw tangkai tak Sorkar laipuiin a siamchhuah a ni a. Rang zawk a COVID-19 kaih zawn chhuah annih theihna atan a tangkai bakah hri kai thei dinhmun a dingte zawn chhuahna atan pawh a tangkai hle a. Chuvang chuan mimal leh khawtlang ang pawhin kan inven theihna hmanraw tangkai a ni a. Kan him tlan zawkna atan thuneihtute chu he apps hmang tura midang hrilh hre tura ngen leh hriattir an ni.

Post a Comment

He post chungchanga i ngaihdan lo sawi ve rawh:

Previous Post Next Post