Aizawl | April 17, 2020: Mizoram Board of School Education (MBSE) hnuaia Higher Secondary School Leaving Certificate (HSSLC) exam hmabak April 22 aṭanga exam leh tur chu tiamchin awm lova sawn a ni.
MBSE chuan zanin khan thuchhuah siamin, Covid 19 vanga HSSLC exam thenkhat la hmabakte April 22 atanga chhunzawm tur ruahman tawh chu thu leh awm hma atana sawi a nih thu an tarlang.
Mizoram Board of School Education chuan thuchhuah siamin, Higher Secondary School Leaving Certificate (HSSLC) Exam, 2020 kal lai mek Aprill 22-24 a exam zo tura ruahmanna a siam tawh chu MBSE Office a emergency meeting chuan thu leh awm hma chuan an thulh thu an chhuah.
MBSE thuchhuahah, “Higher Secondary School Leaving Certificate (HSSLC) Exam, 2020 kal lai mek, Mizoram Sorkarin Covid-19 laka invenna a ngaih pawimawh avanga a tihtawptir lailawk chu, lockdown chhunga covid-19 laka Mizoram kan him khata hriat a nih avangin, zirlai exam la zo lo laklawh tak tak te hmakhua ngai in MBSE chuan April 22 - 24 chhung hian exam nei turin a ruahman leh a. Amaherawhchu, “India ram pum huapa he Covid-19 laka invenna kal zel avang hian exam hi neih rih loh zawk a tha ang e,” ti a, Central Sorkarin Mizoram sorkar hnena a rawn ngenna chu MBSE chuan zahawm a ti hle a, April 17 zan dar 7:30 a MBSE Office a emergency meeting chuan HSSLC Exam laklawhte exam zawhtir hram tuma hmalakna kal mek chu thu leh awm hma atan a titawp lailawk a ni. Hemi avanga zirlaiten harsatna an lo tawh phah te pawh a awm thei ang tih hre chungin, Central Sorkar atanga ngenna hi ngaih pawimawh a tul si avangin hriatthiamna kan dil nghal a ni, tiin thuchhuah chuan an tarlang a ni.
Kan hriat angin nimin khan Pawl 12 zirlaite hian lockdown chhunga exam tur hi duh lovin social media ah an duh loh zia an lo lan tir tawh a ni.
I chhiar duh takin.. hetah a awm e.
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: