Khawtlang leh Kohhran inrelbawlna tha tak kan nei hi kan hnam tan a hlu ka ti a, thlah thlam thiang lo ah ka ngai.
- PC Vanlalhriati
Mizo Zaithiam, Zai avanga Honorary Master of Music Degree hial hlan tawh PC Vanlalhriati i lo belchiang ang.
Youth Icon 2012 atanga mipuiin an hriat leh dai tawh lo PC Vanlalhriati hi Pc Hriati emaw Tenu-i emaw in an ko thin a. PC Vanlalhriati hi PC Romawia leh Zoliani te fanu niin, September 5, 1994 a lo piang a, Laipuitlang, Aizawl-ah an chhungkuain chengin an khawsa.
- PC Vanlalhriati
Mizo Zaithiam, Zai avanga Honorary Master of Music Degree hial hlan tawh PC Vanlalhriati i lo belchiang ang.
Youth Icon 2012 atanga mipuiin an hriat leh dai tawh lo PC Vanlalhriati hi Pc Hriati emaw Tenu-i emaw in an ko thin a. PC Vanlalhriati hi PC Romawia leh Zoliani te fanu niin, September 5, 1994 a lo piang a, Laipuitlang, Aizawl-ah an chhungkuain chengin an khawsa.
PC Vanlalhriati te unau hi Hmeichhia pahnih an ni a, Hriati hi a upa zawk a ni a, an unau hian zai lamah an mi hriat an hlawh ve ve a ni.
PC Vanlalhriati hian zirna lamah 2016 khan Govt. Saitual College atangin Bachelor of Arts a zo tawh.
PC Vanlalhriati hriat Music Video album la tichhuak lo mahse, Music video (single) erawh khawhar chhungte pual nen 20 a siam tawh a, tunah hian Music Video Album buatsaih turin a inpuahchah mek a ni.
Sawi tawh angin PC Vanlalhriati hi 2012 khan LPS Youth Icon ah telin Top 5 a thleng a, khata tang khan mipuiin hmelhriatin hmalam a pan ta zel a. Mizoram atanga Zaimi zinga a hmasa ber ni turin kumin January 11 khan Master of Music degree hlan a lo ni tawh nghe nghe a ni.
Myanmar a Union Biblical Seminary Yangoon (UBS) leh University dang pahnih IHOP University Kansas nena tangkawp chuan Honorary Master of Music Degree hi an hlan a ni. ( Hemi chungchang news kimchang hetah a awm.)
Sawi tawh angin PC Vanlalhriati hi 2012 khan LPS Youth Icon ah telin Top 5 a thleng a, khata tang khan mipuiin hmelhriatin hmalam a pan ta zel a. Mizoram atanga Zaimi zinga a hmasa ber ni turin kumin January 11 khan Master of Music degree hlan a lo ni tawh nghe nghe a ni.
Myanmar a Union Biblical Seminary Yangoon (UBS) leh University dang pahnih IHOP University Kansas nena tangkawp chuan Honorary Master of Music Degree hi an hlan a ni. ( Hemi chungchang news kimchang hetah a awm.)
PC Vanlalhriati chuan Master of Music chawimawina hlan a nih chungchang hetiang hian a sawi, "Gospel singer zinga zai a rawngbawlna a kal chhuak nasa, programme kan neih dan an en khan he Degree dawng tur hian min lo thlang ve hlauh a, Ka lawm hle a ni." a ti.
A duhzawng leh ngainat zawngte:
Rawng - Duh bik ka nei hran lova, ka incheina-ah pawh rawng hrang hrang ka inbel vel vek.
Chawhmeh - Vawksa, Khangnghu, Phuihnam, leh bai te a tam mai. Mizo in a chawhmeh kan neih zawng zawng hi ka duh vel vek.
Incheina - Incheina hi chu awmhmun, lenchhuahna leh zinna ah pawh Seconhand hi ka ha nasa ber a. Ready made hi ka ha ngai meuhlo. Puan bih pui tur kawr erawh readymade leh thuichawp ka ha tlangpui.
Rimawi – Rimawi han tih hian tam tak sawi tur a awm a. Classic deuh deuh, tun hma zaithiam hla Hit ho hi ka ngaithla nasa. Tin, worship hla sap ho sak hi ka ngaithla nasa bawk.
Mizo Ziaktu zingah - Mafa-a Hauhnar
Hla - "Nun dan ka lo thiam ta"
Hla phuahtu - Lalsangzuali Sailo
Mize ngainat zawng:
- Mi hlim thei leh zaidam, inngaitlawm.
Mize ngai nat loh zawng:
-Mi chapo
Hobby - Zai hi nuam ka ti ber a, abak chu eirawng bawl risk kual vak vak🤣
Relationship status -
Lo in rinsiak mai ula🤭
Kawppui atan duhzawng:
- Kawppui atan chuan Mipa ngei nise (Tunlai-ah chuan mahni anpui kawp hreh lo an tam ta hle .😂)
Pathian țih mi, ruitheihthil laka fihlim, Mawhphurna hlen thin leh hmeichhia duat thiam tak. Hmeichhe lu chu mipa anih ang a kawng engkim a rintlak, mi rinawm, dikna țan ngam leh hlemhletna laka fihlim, Fuih kan ngaihna a min fuih thin tu tur leh kawng dik min kawhhmuh fo tur, Ka zaina kawng a full Support min pe thei zel tur Mipa hi ka duh.
Pathian țih mi, ruitheihthil laka fihlim, Mawhphurna hlen thin leh hmeichhia duat thiam tak. Hmeichhe lu chu mipa anih ang a kawng engkim a rintlak, mi rinawm, dikna țan ngam leh hlemhletna laka fihlim, Fuih kan ngaihna a min fuih thin tu tur leh kawng dik min kawhhmuh fo tur, Ka zaina kawng a full Support min pe thei zel tur Mipa hi ka duh.
Rawngbawlna lam i kalchhuah dan tlangpui:
-Ni e, rawngbawlna hi Pathian zarah ka kal chhuak nasa ve hle a. Mizoram-ah chuan Bible Society of India Aizawl Auxiliary ah hian Campaigner Soloist ka nia, thla khat-ah hian tum hnih te kan zai chhuak a, thla tin hi chu chhuahna a awm deuh reng mai a, kan buai ve thin khawp mai.
Tin, kan kohhran lam Salvation Army rawngbawlna lam ah hian Bial khawmpui kan tih ang te, Thalai leh naupang Inkhawmpui lamah te, biakin hawnna tih te hi ka zai chhuahna tam zawk a ni.
Tin, kan kohhran lam Salvation Army rawngbawlna lam ah hian Bial khawmpui kan tih ang te, Thalai leh naupang Inkhawmpui lamah te, biakin hawnna tih te hi ka zai chhuahna tam zawk a ni.
Tin, rawngbawl hian mizoram hmun hrang hrang bakah Aizawl khawchhung lam hi ka chhuak nasa bawk a, heng sawrkar dept leh Jubilee kan tih ang te, birthday kan tih ang ah te pawh ka chhuak nasa ve khawp mai.
Rawngbawlin in chhuak nasa a, mahni kohhran-ah inkhawm tam a har viau lo maw?
- Pathian ropui nan chauh nise kum 2014 atang khan chawl miah lovin rawngbawlin kan chhuak a. Kum khat-ah hian chawlhni tum thum vel bak mahni kohhran, ka lawina-ah hian ka awm hman meuh lo. Pathian khawngaihna zarah kumtluan hian kan zin deuh reng mai a. Pathian malsawmna liau liau a ni e.
Speaker atan te sawm i ni thin tih kan lo hriaa, a dik em?
- Aw, Thalai leh naupang lam-ah hian programme hrang hrang-ah Speaker turin min sawm ve thin.
Rawngbawlin in chhuak nasa a, mahni kohhran-ah inkhawm tam a har viau lo maw?
- Pathian ropui nan chauh nise kum 2014 atang khan chawl miah lovin rawngbawlin kan chhuak a. Kum khat-ah hian chawlhni tum thum vel bak mahni kohhran, ka lawina-ah hian ka awm hman meuh lo. Pathian khawngaihna zarah kumtluan hian kan zin deuh reng mai a. Pathian malsawmna liau liau a ni e.
Revival Speaker zuiin i chhuak nasa em?
- Aw, ka chhuak ve nasa ve khawp mai. Revival speaker te rawngbawlna hi kan kohhran ami te chauh ni lo Baptist, Presbyterian kohhran lamah te min sawm kual ve fo bawk a, ka tan kohhran dangah rawngbawlna hun tha tak a ni bawk a ka hlawkpui thin hle ani.
Speaker atan te sawm i ni thin tih kan lo hriaa, a dik em?
- Aw, Thalai leh naupang lam-ah hian programme hrang hrang-ah Speaker turin min sawm ve thin.
Myanmar lamah zai leh rawngbawlin i kal dan:
- Myanmar lam ah hian Yangoon hi tum 2 rawngbawlin ka kal tawh a, Tahan hi tum 4 vel, Hakha(Chin State)lam hi tum 3 ka kal tawh bawk.
Mizoram pawn a rawngbawlna dang?
- Manipur lam hi tum 4 vel bawk ka lo kal tawh a ni.
Zawhna dang:
1. A tel lova i awm theih loh:
- Ei tur🤣
2. I nun kaihruaitu:
- Pathian thu
3. Hringnuna i hlauh ber:
- Hlim loh
4. I tih ngai miah loh tur:
- Mi dangte hmuhsit
5. Mizo Tualzal nuna ṭha i tih:
- Kan inngaihsak tawnna leh chhiatni thatni lo thlen chang pawha theihtawp chhuah a kan inbuaipui liam liam țhin hi.
6. Quote i duh ber:
-Joba 8:6 "I bulah te mah la, I tawp lamah i lian ang.
7. Mizoram leh Mizo tualzal nuna Mizo hmeichhiate dinhmun:
- A hmasain, kan hnam nuna Mipa rorelna hi a tha ka ti a. A Pathian thu viau bawk. Chutihrual chuan, hmeichhiate dinhmun pawh tunhma lakah chuan a lo țha tawh em em a, a țhat chho zel pawh ka beisei.
8. Hnam hmingṭhat leh hmingchhiat kawngah Hmeichhiate'n mawhphurhna:
- Hemi kawngah hian hmeichhiate hian mawhphurhna nasa tak kan nei a. A pawimawhber chu kan hnam a kan chian hi angai em em a ni. Hmasawnna sang zel ah kan khawvel pawh a lo zim tial tial a, kil tin atangin chanchin pawh kan in hre pawh zung zung thei tawh a ni. Chhan hrang hrang avanga ram danga awm Mizo hmeichhiaten kan hnam ti hmingchhe thei zawnga awm lo turin kan nun uluk ila. Tin, nawmsak duh avanga hnamdang pasala nei mai lovin, a chhe ber kan tawh pawha a tawp thelnga min buaipui țhin kan Mizo pui ngei Pasala kan neih hi kan hnam hmingthat nana kan mawhphurhna ah ka ngai.
9. Hnam ziarang chawinun kawnga Hmeichhiate mawhphurna:
- Hnam zia rang chawinunna tur hi kawng hrang hrangin a sawi theih ang a. Kan hnam nun mawi tlawmngaihna leh rinawmna te bakah aia upa zahna kawngah te hian țan kan lak thar a tul hle a ni. Tin, chubakah hmeichhiate hi mipate ai chuan incheina lam kan uar zel a, kan hnam zia rang pho lang thei zawnga incheina te pawh kan uar zel a tha awm e.
10. Mizote tan 'Fa neih tlem' inzirtir hi a ṭulin i hria em?
- Kawng hnih, thlirna dik thei tak ve ve a awm ang a. Chutihrual chuan, tuna kan hnam dinhmunte thlir chuan fa nei tlem tura inzirtir ai chuan kan pun zel zawk hi a țul in ka hria.
11. Khawtlang, Kohhran leh nangmah:
- Zai mite kan nih angin Programme nei in kan zin chhuak reng a. Duh angin Khawtlang leh mahni lawina Kohhran lamah ka lang tam thei lo țhin zawk a ni. Ka zin loh lai erawh chuan Kohhran inkhawm leh thalai inkhawm te hi chu ka inkhawm ngei ngei țhin. Mitthi in tlaivar leh khawhar in kal te bakah, khawtlang thil tihna ah te ka tel ve hram hram țhin a. Khawtlang leh Kohhran inrelbawlna tha tak kan nei hi kan hnam tan a hlu ka ti a, thlah thlam thiang lo ah ka ngai.
12. Social Media leh Nangmah:
- Social Media hi hman thiam a ngai viau mai. FB , IG leh Youtube lamah hman chang hian kan lut ve leh zawk țhin a. Whatsapp erawh a lo awlsam lehzual deuh avang leh inbiak pawhna atana hman ber-ah kan neih avang hian ka hmang tangkai ve țhin hle.
13. Mizoram ṭhalai tam tak tlakchham:
- Thalaite hi kan taima tawk lo țhin niin a lang a. Hun awl kan ngahin kan hun țha neih te engmah lovah kan khawhral nasa țhin hle a ni. Thalai tamtak hian chuan taihmakna hi kan tlachham deuh a ni ti ila, kan sawi sual awm lo ve..
- Thalaite hi kan taima tawk lo țhin niin a lang a. Hun awl kan ngahin kan hun țha neih te engmah lovah kan khawhral nasa țhin hle a ni. Thalai tamtak hian chuan taihmakna hi kan tlachham deuh a ni ti ila, kan sawi sual awm lo ve..
14. Mizo ṭhalaite hian ngaihsan tur dik an ngaisangin i hria em?
- Tam tak hi chuan ngaihsan tur tak an ngaisang hlawm tho ang a. Chutihrual chuan thalai tam zawk hi chuan ngaihsan tur dik kan ngaisang lo deuh ni chuan a hriat.
- Tam tak hi chuan ngaihsan tur tak an ngaisang hlawm tho ang a. Chutihrual chuan thalai tam zawk hi chuan ngaihsan tur dik kan ngaisang lo deuh ni chuan a hriat.
15. Ngaihsan tur dik nia i hriat:
- Mi tupawh, a theih ang tawk leh phak ang tawka mahni intodelhte tum tlat mi hi ngaihsan tur dik niin ka hria.
16. Hlawhtlinna tura pawimawh:
- Taihmakna leh tumruhna piah lamah huaisenna hi a pawimawh in ka hria.
17. I nuna hloh i hlauh ber:
- Pathian neitu ka nihna hi hloh ka hlau ber
18. Zofate inpumkhatna hi a tak a thlen theih i ring em?:
- Thleng theih ngei chu ka ring a. Amaherawhchu, international boundary ten min daidan avang erawhin kan duh ang diak diak erawh chuan a thei(h) kher lo mai thei.
Thalaite hnena chah duh:
-Mizo thalai te hi mahni tawk a inrintawkna ngah tak,thil ti thei ve tawk tak,zirna kawng emaw hna kan thawhna reng reng ah pawh nise hnamdangte zingah pawh chhuanawm tak tak kan ni hlawm a. Chutihrualin, kan thawhchhuah mil hian kan khawsa chiah thin em? tih hi in zawt fo ila. Intodelhna hi ngaisang thar lehzual ila. Sawrkar hna hian min daih seng tawh si lova, eng hna mah thawh hreh nei lovin taimak hi zir thar leh ila. Kan hausa emaw rethei emaw mahni kan intodelhna khan mi zahawm ah min siam dawn a ni.
EXPLOREMIZORAM.COM i hmuh dan:
- EXPLOREMIZORAM.COM hi a tha hle in ka hria. Thalai tam tak thiamna an neihte hemi kaltlang hian kan lo hre thin a. Mizo thalaite hmasawna tur atana sul sutu pawimawh tak pakhat niin ka hria. Tin, zaimi tan pawh a tangkai em em a, kan veizawng te pawh ti hian awlsam takin kan ngaihdan te kan lo sawi theih phah a, ka lawm takzet ani.
Tin, midang tan zel pawh Platform tha tak tak siamsaktu a nih chhoh zel pawh ka ring a, ka duhsakna sang ber ka hlan a che u.
(A hnuaia fakna hi lo hmet ve rawh.)
- H Zate
Founder/Editor
Explore Mizoram
(A hnuaia fakna hi lo hmet ve rawh.)
A bengvar thlak ngei mai. He site hi ka vawikhat hriatna a ni a, a tha hle mai. Tluang taka kal zel turin duhsakna ka hlan e
ReplyDeletePost a Comment
He post chungchanga i ngaihdan lo sawi ve rawh: