Aizawl | April 16, 2020: Mizoram Board of School Education (MBSE) in Covid 19 vanga HSSLC exam ṭhulh lailawk April 22 aṭangqachhunzawm leh tura thuchhuah awm chu social media-ah dodaltute thawm a ring ṭan hle.
Dodaltute hian, "Exam tam tak hi gap pawh an nei lova. Sociology leh Economics la kawpin gap an nei lova, Chemistry leh Computer science la kawpin ni khat gap chauh an nei bawk a. Ni khat gap chauh emaw gap nei lo hrim hrim hian Board exam an la awm ngaiin kan hre lo" an ti a ni.
Instagram lamah #MBSE chu post a tam tan hle a, HSSLC exam tur dodalna lantirnan hian thalai tam tak hemi atan hian post an siam tawh a ni.
Zirlaite hian harsatna an sawi zingah hian zin veivahna, mahni khuaa lehkhabu leh admit card hawn lo bakah Social distancing leh exam hun gap tlem
lutuk te chu a ni.
Hetihlai hian MBSE chuan zirlaite chu an awmna atanga exam centre hnaih berah exam thei turin vawiin khan thuchhuah a siam.
Dodaltute hian Instagram lamah #MBSE #NOEXAM #NORISK campaign beiin, hashtag campaign hian thlawp a hlawh ṭan hle.
Engnge an sawi?
St Pauls HSS zirlai Chemistry leh Computer science ni khat dana exam nei tur Francis Laltlankima chuan April 22 atanga exam buatsaih leh tur an duh loh chungchang sawiiin, "Ministy of Home Affairs ina a thuchhuah zirna in hrim hrim May ni 3 thleng hawn loh tur tih kha an bawhpelh a. Ministry of Home Affairs thovina a sawi, state leh state inkar pawh sawi loh district leh district inkalpawh ringawt pawh a phal lo a. Chu pawh chu a bawhpelh tho dawn a ni. A pawimawh berah chuan Ministy of Home Affairs hian exam hi lo phal tehreng pawh ni se, MBSE hian 8th April a an thuchhuah ah chuan lockdown zawha kar khat hnu a exam hi chhunzawm tur a ni a, kan hriat vek angin lockdown hi a la zo lo. Anmahni thusawi ngei an bawhpelh a ni." tiin a sawi.
Zirlai an hming tarlan ramchang lote pawhin anngaidan an sawi a. Economics leh Comp.Sc exam la hmabak chuan, "exam hi an ruahman ang a an kalpui tlang a nih cuan state dang a om Mizoram a school rawn kal hi tlem an om ve a state dang nn a in kal pawhbloh hi tunah cuan a him ber a... exam tura Mizoram a an lo lut a nih chuan an rawn kalkawng ah hri kai thei an ni a, a natna hi a langchhuak nghal mai si lova, an lo kai palh a nih cuan exam-na ah mi dang te kaina chance tam tak a awm a tun a exam hi a risky lutuk a ni." a ti a.
Chemistry exam la hmabawk pawhin, Exam hi zawh vat vat a rilru kaptu neih tawhloh hi a chakawm tak zet a exam zawh vat vat hi kan duh ber. Mahse, tunlai dinhmun nen hian a la hun lo viau lo maw? Chhungte pawhin hetia exam an ti thut hi mak an ti a, chu mai bakah kan thian te thingtlanga haw ta te hian an mangan thu leh a buaithlakzia an rawn sawi bawk a. Ka'n School chu mahni khuaa haw awm tlem pawl an ni ang. Kei chuan Exam zawh vat hi pawi ka ti miahlo a mahse a van la derthawng ve kan khawvel dinhmun nen hian ka ti a ni. Khawngaihthlak zual chu Chemistry leh Home/Comp Sc nei tur ho kha. Ni khat gap chauh an nei a a hmain zir lawk theih a ni bik si lo a pandemic vang hian kan phili ve vek tho sia. Kei chuan zawh vat vat ka duh a mahse kei chauh lo midang ho hi an pawimawh ve si a." a ti bawk.
Economics leh Computer science exam hmachhawn tur chuan, Exam chu a ngai teh meuh mai. Exam hi kan pumpelh reng thei lo a engtik ah emaw chuan hmachhawn tho tho kan ngai dawn. Mahse tun anga miin kan hriselna mai bakah sum leh pai.. ei leh in khawsak a survive tuma harsat na kan tawh mek lai. Mi kan remchan loh em em laia exam min push tlat hi a dik tawk loin ka hria. Date min pe tawp a. Mahse ngaihtuah ngai tak tak laiah egmah thufel a awm si lo. Tuna rem leh rem lo a kan lo exam tralh tralh hian eng kawng ro nge a sut dawn? College leh competitive exam lamah engkim delay vek a ni a. Hei hi chu ngaihtuah chian a ngai khawp mai," a ti bawk.
Zirlai dang pakhat pawhin, "Kan school naupang ah hian exam zo lo hi mi 200 chuang kan la awm a.. Kal dan tur hi bus in kal mai tur an ti bawk a.. Bus ah chuan kan thutna 3ft chu a thla thei lo hrim hrim bawk a. Chu mai bakah science + arts + com tr kan la exam zo lo a. Sc bik ah hian chem leh com. Sc la kawp an awm a.. Gap ni 1 chiah an nei dawn tihna nih chu.. Gap ni1 chiah neih hi a board kan exam thin dan nen a inperhsan em em bawk a ni." tiin a sawi bawk.
MBSE HSSLC exam chhunzawm tur dodaltute hi change.org ah petition sign turin an siam a, a duh tan https://www.change.org/p/mizoram-board-of-school-education-to-reschedule-the-exams-as-the-government-is-literally-risking-our-health?recruiter=1075807744&recruited_by_id=2e85ef20-7e59-11ea-b18a-87d2a7d78907&utm_source=share_petition&utm_medium=copylink&utm_campaign=petition_dashboard ah tlawh theih a ni.
Tuna Class XII exam schedule that loh chhan nia an tarlante chu:-
1. A hmasain MBSE ina 8th April a an thuchhuah a khan lockdown zawh veleh exam hi chhunzawm a ni ang an ti a. Tuna kan hriat angin lockdown hi May 3rd thleng a ni a, educational institutions phei chu inhawng lo turin a bik taka sawi an ni. Hemi vang bawk hian students tamtak hian hi kan in prepare lo hrim2 bawk a ni.
2. Exam hi nawr luih a nih chuan, thingtlanga lo haw hman te tan hmalak ngaihna vak a vang a ni. Mi harsa kan tam si a, ni khat emaw ni hnih chauh exam tura Aizawla rawn chhuk bakah, thlen in tur hi a awmlo nen, rilru senna tham a tling fe a ni. Hostel tamtak te hian students te awm pawh hi anmahni tana himin an hre lo.
3. Chu mai bakah non-mizo students hi an awm ve leh pheuh2 a, St Paul's Science student pakhat pawh Assam ami a ni a, border pelin a rawn kal vang vang a ngai dawn. A rawn kal thei dawn em tih pawh a hriat loh a ni. Rawn kal thei hlawm pawh ni se, an kalkawngah ringawt pawh Corona hi awlsam taka kai theih a, inkaichhawn theih a ni.
4. MBSE hian vawiin ni 14 April 2020 ah thuchhuah thar an siam leh a, chu chu exam hall a hla thei ang bera thut dan a ni. Hemi kalpui dan an tum hi institutions tamtak in an tlin lova, chu mai bakah thalai thiante hmu chak, tha za rual, chu exam zawhah, "I titha maw?, I thiam em?" tiin inkuah haw chu an awm ngei ngei dawn. Hemi risk hi lak chi a nilo. Zun in lamah pawh buaina a tling zel a ni.
5. Corona dona kawnga guidelines ah chuan puipuinna hmunah tumah mi panga aia tam awm loh tur tih a ni a, an sawi danah hi chuan classroom khatah mi tam tak an awm dawn tho a, exam hall luh hmain in control ngaihna a awm hek lo.
6. Chumi zawng zawng nen, tuna exam schedule hi a that loh ve lehna chu nitina nunna thapa damlo enkawl kan doctor zahawm tak tak te leh nitina eichawp zawng thin, mi rethei em em hnathawh chak ngawih ngawih te tan a va fair lo dawn em.
7. Nizan news a an puan ah chuan students te hi subject khat choh la nei anga sawi kan ni a, amaherawhchu tamtak hi gap pawh nei lo an ni. Sociology leh Economics la kawpin gap an neilova, Chemistry leh Computer science la kawpin ni khat gap chauh an nei bawk a ni. Ni khat gap choh emaw gap neilo hrim hrim hian Board exam an la awm ngaiin kan hre lo.
(A hnuaia fakna hi lo hmet ve rawh.)
Exam shedule hi tu school mahin kan duh lo.
ReplyDeleteNo exam,
No risk
May ni 3 thleng lockdown ti na na.Siaha ho phei chuan an duh em kha.
ReplyDeleteKan do zel ang
ReplyDeleteA question tal min hrilh lok ula ����
ReplyDeleteStudents te hi robot anga duh ang hun huna kan rilru insawrbing thei kan nilo,he hrileng hian nangmahah thawkna vaklo mahse,zirlai tam Tak nunah nghawng tam Tak a nei thei tih hi khawngaih takin min hriatthiam pui ve ula k duh takzet ani.Roreltu chuan zirlai thenkhat chauh niloin zirlai rethei leh dinhmun chhe ber thlengin a ngaihtuah Kim vek tur Ani.Thuchhuah inlo Siam twh anga rilru inbuatsaih tam Tak kan awm vangin a hmaa in thuchhuah anga dingnghet Turin ka ngen Tak meuh2 che u ani.
ReplyDeletePost a Comment
He post chungchanga i ngaihdan lo sawi ve rawh: