Supreme Court thuchhuak angin tang 337 chhuah tawh

Aizawl | April 6, 2020: Pawikhawihtu, an chungthu ngaihtuah mek “Under Trial Prisoners” mi 290 ( vawikhat thil tihsual vanga mante ) chu Court-in PR bond-in a chhuah tawh tia April 3 a Sawrkar thuchhuahin a tarlan tawh chu mi 289 tiin vawiin khan Sawrkar thuchhuah hian a tarlang tha a,  Tang chhuah tir zawng zawng zat pawh 338 ni lovin 337 tih zawk tur a ni.

April 3 a thuchhuah:
Covid-19 hripui leng vanga Jail tawt lutuk tih ziaawm nan Supreme Court thu anga Mizoram Sawrkar-in Gauhati High Court Judge Pu Michael Zothankhuma Chairman-na hnuaia a din High Power Committee chu vawihnih lai an thukhawm tawh a. He High Power Committe thutlukna bawhzui hian Mizoram chhung Jail hrang hranga tang mek thiam loh chang convict tawh te zinga an tan hun hmang zo tep tawh mi 48-te chu sawrkarin in ngaihdamna “Remission” pe in vawiin khan chhuah zalen an ni a, anni bakah hian pawikhawihtu, an chungthu ngaihtuah mek “Under Trial Prisoners” mi 290 ( vawikhat thil tihsual vanga mante ) chu Court-in PR bond-in a chhuah bawk a, an vaiin tang 338 chhuah tir an ni.


Heng tang chhuahte hi High Power Committee rel angin an chenna in thlenga thlah turin an awmna District-a Deputy Commissioner leh Superintendent of Police theuh te hma la tura tih an ni.

- DIPR

Post a Comment

He post chungchanga i ngaihdan lo sawi ve rawh:

Previous Post Next Post