Pangzawl-ah Rial tlain in tam tak tichhiah

Aizawl | April 10, 2020: Tukin Dâr 3:00 věl khân Pângzâwl ah rial a tla nasa hle a, Rial tla hian Pangzawl khaw chhung véng hrang hrang-ah In 60 vel a tichhia niin exploremizoram.com chuan thu a dawng.

Rialin a tihchhiat In hrang hrang te hi vawiin chhun khân Pângzâwl khawchhûng a Branch YMA hrang hrangte chuan hnatlângin a siamṭhat hna an thawk a, YMA Branch hrang hrang hnatlang te mamawh atan Baptist Church of Mizoram R&D Department chuan ṭanpuina a hlân. Hêng bâkah hian Sorkar aṭang pawhin ṭanpuina a awm dâwn niin thulakna hian a sawi.


Vêng hrang hranga In chhiat dan zât:
Pângzâwl Vengsâng - 5
Vênghlun - 15
Khuanghlûm - 30
Kêltan - 5
Ramrikawn - 9
Khawngbâwk -2
niin, a vaiin in 66 a tichhia a ni.

Mizoram Youth Commission (MYC) chairman leh Bialtu MLA bawk Vanlalṭanpuia vawiin khan a tlawh a, Silpaulin leh Hnatlang thingpui in na tur cheng 6000 a hlan.

Tun ṭum rial tla hi hriat theih chinah Pangzawla Rial a tlak hnem ber ṭum niin an sawi.


(A hnuaia fakna hi lo hmet ve rawh.)

Post a Comment

0 Comments