C19 ENKAWLNA SENSO A HAUTAK

Covid - 19 chuan India ramah bu a khuar nghet zel a, a vei pawh an pun belh mek zel a ni. Hetih lai hian sawkhar damdawiin in a daih sen loh hun a la awm mai thei a. Chuvangin Private Hospital te pawh hmun tam takah chuan Covid-19 vei te enkawlna tur atan ruahman a ni. 

Zawhna pawimawh tak mai chu,  "Private Hoispital-ah in enkawl ta ila, engzah nge a senso tur ni ang?" tih hi a ni.
Covid 19 vei inkawlna senso tur zat hi India Today in a tarlan dan chuan hetiang hi a ni:

1) General Ward ah damlo hi enkawl ni ta se, ni khata enkawlna man chu Rs 11,000 vel a ni ang a.

2) ICU ah damlo hi dah ni tase a enkawlna man "(PPE leh Medical Staff te senso nen belhkhawmin)" chu ni khatah Rs 50,000 vel a ni ang. 

Covid 19 vei enkawl nan hian ni 15 vel a ngai tlangpui a, chutiang anih chuan Rs 7,50,000 vel damlo serious tak pakhat enkawl nan a ngai tihna anih chu. 

General Ward a awm tan pawh Rs 1,65,000 vel a ngai tihna a ni. 

Private damdawiin ṭha zual ṭhenkhatah phei chuan khum pakhat man hi zan khatah Rs 4,000 te a ni a, hei hi in enkawlna man bakah chawi ngai a ni.

In enkawlna man a hautak bakah sawrkar damdawiin in a daih loh phei chuan Private Hospital-a in enkawl tur chuan mi pangngai tan chuan tih theih loh tluk a ni. 

Chuvang chuan Covid-19 kai loh nana sawrkar hmalakna te theihtawpa thlawpa dan zawm hi mipui ten kan tih theih awmchhun a ni. 
Fimkhur hi hlauh vang a ni lova, tawngpawng huai pawh âtna chi khat a ni.

Post a Comment

1 Comments

  1. Nice post thanks for sharing this. India's Top Call Center Software.
    Improve Your Productivity with Our Best Call Center Software. Get Easy Setup, Integration & Upgrade. 1000+ Happy Clients

    ReplyDelete

He post chungchanga i ngaihdan lo sawi ve rawh: