– Familia Fanai Lalţansanga
1. Khawvel pumah COVID-19 hripui vanga thi mi 100,859 an tling tawh. (Source: AFP at 12:30 am IST)
2. Kar kal ta aţang khan ni khata mitthi zat za zela 6 aţangin 10-ah an pung chho.
3. He hripui avang thihna thleng hmasa ber chu Wuhan khuaah January ni 9 khan a ni a. A hnu ni 83-ah mi 50,000 an thi a, a hnu ni 8 lek chhungin mitthi zat chu 100,000 (nuai 1) an pel der tawh. Khawvel ram 193-ah he hri vei mi 16, 64,110 (nuai 16 aia tam) an awm tawh. Novel coronavirus hi China ram Wuhan khawpuia ramsa (wild animals) zawrhna hmun aţanga lo piang, khawvela ţai darh ta chiama ngaih a ni.
4. He hripui rapthlakzia hi history-a kan lo zir, kum 1660 chho bawr vela London Great Plague, London khawpuia cheng mi 100,000 lai suattu nen khaikhin tlak a lo ni ta hial mai a!
5. US President Donald Trump chuan America rama he hripui darh zel tur do letna kawnga sorkar leh mipui hmalakna chu fakawm a ti a, America rama thi zat hi 100,000 aia tlem ni hram se a duh thu a sawi.
6. England Health Secretary Matt Hancock chuan nimina an rama thi 980 tiamin mitthi 8,958 an awm tawh tih a puang.
7. UK PM Boris Johnson a zia a, ICU a ţangin a chhuak a, “Hraite, kal chhet chhet, artui hlawh hlawh, Tumbailek, tumbailek, thang tumbailek, tumbailek” tih anga a kal chhet chhet thei. Hripui laka a dam chhuak chu US President Donald Trump-an a fak chiam a, “He pa hi pa namen a ni lo, pa ropui a ni,” a ti.
8. India ramah COVID-19 hri vei mi 7523 an awm tawh a, an zinga 6626 chu active case an ni a, thi 258 an awm a, nimin Good Friday khan ni khat chhungin India rampumah he hri kai tih finfiah mi 859 lai an awm. (TOI/The Hindu)
9. New York khawpui Hart Island-ah mitthi ruang tam tak tak thlan zau tak taka laihah an phum. Mitthi ruang ţhenkhat hi an chhungten an hlawm ngam lo va, sorkarin hlawhfa ruaiin a phumtir a ni.
10. America rama mihang, African American rim nam lampangin conoravirus hripui an thihpui nasa. Apple leh Google ţangkawp chuan mi, coronavirus hri vei nen inhnaih takah an awm tawh reng em? an indek em? tih hriat zung zung theihna hmanrua siam chhuah an tum mek.
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: