Pangzawl | April 11, 2020: Nimin zing dâr 3 vel băwra Pângzâwl khua a Rial tla-ah khân Chenna In 75 věl a chhia. He Rial tla hian Pângzâwl vêng hrang hrang parukah Chenna in tihchhiat a nei vek a ni.
Chenna in thlâk ngai vek hi pakhat a awm a, inchung zatve thlak ngai 5 vel a awmin, a dangte chu rangva phek li nga vela thuam ṭhat theih a ni
Nimin khan VC leh YMA te ruahmanna in khawtlang huapin hnatlang neih a ni a, In chung thlâkna atan hian khawtlâng hruaituten dawrah rangva leh a ṭûldang a bâin an la a, Pângzâwl VCP Pu Lalrinawma chuan heng atân leh hnatlang sênso atan hian Rs 120, 000 věl sen anih thu a sawi. Tin, Branch YMA hrang hrang hnatlang tan Bialtu MLA Dr. Vanlalṭanpuia'n Rs 6,000 a pe a, Task force te tan Hand Glove 50 pair a pe bawk. Chhiat tâwkte chu thlaphâng lo tûrin a hrilh. BCM R&D Dept chuan Branch YMA Hnatlangte tan ṭanpuina a pe bawk
Pângzâwl khawtlâng chhiat tawhna hi Hnahthial BDO leh SDC ni bawk Pu H. Lalramliana chuan a hmunah rawn tlawhin chhiat tâwkte chu Sorkar aṭanga ṭanpuina awm thei tur ang angte ruahman sakin a ṭula hman tur Silpaulin a pe nghal bawk
Post a Comment
He post chungchanga i ngaihdan lo sawi ve rawh: