MZP in Zirlaite tan thu inziahsiak buatsaih dawn

Aizawl | April 27, 2010: Covid-19 laka inven tuma ram a inkharkhip lai hian MZP chuan zirlaite pualin thu (article) inziahsiak an buatsaih dawn a, zirlai a tam thei ang ber tel turin an ngen.

He intihsiak hi district tinah neih tur a ni a, May ni 8, 2020 thleng thehluh theih a ni ang. He intihsiak hi chhawng thumah ṭhenin : Middle School hnuai lam tan, 'Bible-a ka mihring ngaihsan chu' tih thupuia hmangin, thumal 400-500 zela ziah tur a ni anga, Pawl 9 leh Pawl 12 inkarte tan, 'Kan hnam pasalṭha ka ngaihsan chu' tih thupuia hmangin, thumal 700-800 zela ziah tur a ni ang.

Tin, College zirlai chin tan, 'Inkharkhipin a ṭha lama Mizorama nghawng a neih dan' tih thumal 900-1000 zela ziah tur a ni.

Lawmman hi Middle school hnuai lamah Pakhatnain ₹ 3000, Pahnihnain ₹ 2000 leh Pathumnain ₹ 1000 an dawng ang a. Pawl 9 leh Pawl 12 te tan lawmman ₹ 4000, ₹ 3000, ₹2000, College zirlai chin tan ₹5000, ₹4000, ₹3000 a ni ang. 

Result hi mahni district zela siam tur a nih avangin lawmman pawh hi district ṭheuha sem tur a ni.

He intihsiak hi inkharkhip vanga zirna inte khar an nih laia zirlaite'n hunawl an hman ṭangkai theih nan leh rilru hrisel an neih theih nana buatsaih niin, heng thupuite ziak tur hian lehkha chhiar ve deuh a ngaih dawn a, Bible leh kan hnam nun mawi inzirtir nan a ṭhat a rinawm avang te a buatsaih niin MZP chuan an thuchhuahah an tarlang.

MZP chuan, Zirlaite chu he intihsiak hi ngai pawimawh a, mahni insit chung pawha tel turin a ngen a, nu leh pate pawh an fate phurpuia theihtawp lo chhuahpui turin an ngen bawk.