COVID-19 dona a hmalak zel dan tur sawipuiin PM in CM-te a kawm;Mipui nawlpuite thleng phak ruahmanna thar chawchhuak turin kan huaisen a tul a ni: PM

Inkharkhip hian rahtha a chhuah a, thla 1 leh a chanve kalta chhung khan kan ram hian nunna sang tam tak a chhanhim theih phah a ni: PM

Rang taka hmalak vat zel hi kan tum tur a ni a, ‘do gaz doori’ hi innghahna atan kan hman a ngai a ni:PM

PM chuan state-te chu red zone atang a orange a inthlak thleng a, chumi atanga green zone a awm tum turin an in sawrbing tur a ni a ti.

Mipui nawlpuite thleng phak ruahmanna thar chawchhuak turin kan huaisen a tul a ni: PM

Ram ei leh bar / Economy kan ngaih pawimawh rualin COVID-19 dona hi kan ngaih pawimawh chhunzawm a tul a ni: PM

Thla engemawzat chhung chu corona virus nghawng hi kan la hmu chhunzawm dawn a, masks leh hmaituamna hi kan hman chhunzawm a ngai dawn a ni: PM

CM-te’n an hmalak dan an sawi bakah ei leh bar lama harsatna sukiang tura rawtna leh damdawi lam inenkawlna thuam that dan tur chungchangah rawtna an thlen a ni.

Aizawl | April 27, 2020: Vawiin khan Prime Minister Shri Narendra Modi chuan COVID-19 hripui leng a kan dinhmun mek leh ruahmanna leh hmalak zel dan tur sawipuiin video conferencing hmangin state Chief Minister-te a kawm a.  Tun tum hi hetiang Prime Minister-in Chief Minister-te inkhawmna a neihpui tum li(4)-na a ni a, March ni 20, April ni 2 leh April ni 11, 2020 khan inkhawmna a lo neihpui tawh a ni.

Prime Minister chuan inkharkhip (Lockdown) hian rahtha a chhuah thusawiin thla 1 leh a chanve kalta chhung khan kan ram hian nunna sang tam tak a chhanhim theih phah a ni a ti a.  India rama mihring cheng zat leh ram engemawzat a mihring cheng belh khawm a in zat vel  thu leh March thla tir kha chuan India ram tiamin ram engemawzatte dinhmun a la in an tlan viau thusawiin India ram chuan a hun taka hma a lak avangin mi tam tak nunna a chhanhim theih phah a ni a ti. Hetihrual hian virus darh mek hi a la hlauhawm chhunzawm reng thusawiin fimkhur taka kan awm chhunzawm a pawimawh dawn a ni a ti.

Prime Minister chuan kan ram hian tundinhmunah inkharkhip tum hnih kan nei tawh a, a pahnih hian kawng tam takah an dan a dang a, tunah hian kan kal zel dan tur hi kan ngaihtuah lawk a ngai a ni a ti a. Mithiamte’n an sawidan chuan  coronavirus nghawng hi thla engemawzat chhung chu kan la hmu chhunzawm dawn a. ‘do gaz doori’ hi innghahna atan kan hman a, masks leh hmai tuamna kan hman chhunzawm reng a pawimawh dawn a ni a ti bawk. Kan hun tawn mek avang hian rang taka hmalak vat zel a ngai dawn a, mi tam tak chuan khuh leh hritlang emaw a natna lanchhuah dan thin an neih chuan an inhriattir vat a, hei hi thil tha leh chin chhunzawm chi tak a ni a ti.  

Prime Minister chuan ram ei leh bar/economy kan ngaih pawimawh rualin COVID-19 dona kan ngaih pawimawh chhunzawm  a ngai dawn a ni tih thusawiin ruahmanna thar tha siamte kan lo dawnsawn that a, a theih ang a nasa a technology/khawl hman tangkai a pawimawh thu a sawi a.  Ramin COVID-19 a dona kal mek tichak turin mi tam zawkin AarogyaSetu app an download a pawimawh a ni a ti a. “Mipui nawlpuite thleng phak ruahmanna thar chawchhuak turin kan huaisen a tul a ni” tiin University hrang hranga mithiamte chu hripui leng do kawng a ruahmanna thar tha ngaihtuah chhuak a, research leh thil thar tha pawchhuak tur atana kan thawhpui thiam a ngai dawn a ni a ti bawk.

State-te chuan hri darh nasatna hmun hotspots – red zone tia sawi hmunahte inkaihhruaina khauh taka an kalpui a pawimawh thusawiin state-te chu hri darh nasatna hmun red zone-te chu orange a tla thla a, chumi atanga green zone a awm tir tum tura  an insawrbing a ngai dawn a ni a ti.

India mi ramdanga tangkhangte chungchangah Prime Minister chuan harsatna an tawh leh tawhloh bakah an chhungte dinhmun tiderthawng thei an nih leh nihloh thlir chung a hmalak a ni ang a ti a. Prime Minister hian hmalakna kal mek karah Chief Minister te chu sik leh sa inthlak danglam chho mek – nipui leh fur lo in tanin natna a rawn ken tel theihte ngaihtuah tel turin a chah bawk a.

Union Home Minister pawhin nunna tam zawk chhan anih theihna atana inkharkhip a pawimawh zia a sawi lang a. 

Chief Minister-te chuan hri dona atana hma an lak dan an sawi bakah tuna harsatna kan hmachhawn mekah hian Prime Mininister-in ram a kaihhruai leh a ho dan fakawm an tih thu an sawi a. International border-te ven uluk a pawimawh  thute, ei leh bar lama harsatna sukiang tura rawtna leh damdawi lam inenkawlna thuam that dan tur chungchangah rawtnate an thlen a. COVID-19 dona kawng a Police force leh medical staff-te inpekna entawn tlak leh fakawm an tihthu ram hruaitute chuan an sawi bawk a ni.

- PIB Aizawl