Aizawl | April 23, 2020: Mizoram Youth Commission chuan khawtlang nun siamthatna tura hmalakna turin Khuangchera Project, Taitesena Project, Vanapa Project leg Chawngbawla project tan Mascot design lama tuite tan an kutchhuak thehluhna hun a hawng.
MASCOT design intihsiakna hi Hard & Soft copy-in Mizoram Youth Commission Office-ah May 7, 2020 thleng thehluh thei a ni a, Lawmman hi Category tinah Pakhatna - Rs. 10,000/, Pahnihna- Rs. 6,000/-, Pathumna - Rs. 4,000/- pek an ni ang.
Heng Mascot design thehluh-ah hian Thehluttu hming, Address leh Contact No. chiang taka tarlan tur a ni a, result hi May 9, 2020-a puan tura ruahman niin, Zawhfiah tur nei tan MYC-ah zawhchian theih a ni.
Engnge Project te chuan a tum?
Khuangchera Project: Thalaite nuna huaisenna intuhna tur
Taitesena Project: Tlawmngaihna ti parvul leh tura inkawhhmuhna
Vanapa Project: Hruaitu dinhmun leh hruaitu tling ni tura inchherchhuahna
Chawngbawla Project: Huaisenna leh a tul huna dinhmun a zira tlawm ngam leh insumtheihna dawhthei taka a huna chet lak thiamna.
Post a Comment
He post chungchanga i ngaihdan lo sawi ve rawh: