Aizawl | April 23, 2020: Kolasib district bawrhsap chuan vawiin khan thuchhuah siamin Kolasib district chhung-ah district pawn leh state pawn atanga Vawk lakluh a khap.
 |
| Kolasib DC Office | Photo: H Zate |
Kolasib Bawrhsap chuan, State pawn, Mizoram State thenawm hmun thenkhatah vawk natna Classical Swine Fever (CSF) aleng tih hriat a ni a. He natna hi inkaichhawn awlsam tak a nih avang leh mihring hriselna atan pawha thalo thei nia a lan avang leh Mizoram chhunga vawk awmsa te venhim a, mihring hriselna venhim tul nia a lan avangin khapna thupek a chhuah a ni.
He thupek, April 25 atanga thla hnih chhung huam tur hian, Mi tumah in Ram dang, North East States thenawm leh District dang atangin Director, Animal Husbandary & Veterinary Department, Govt. of Mizoram atanga phalna an nei a nih loh chuan Vawk lakluh a phal lova, Tin, thupek ang chuan, Vawk thi reng reng, khur thuk tak a laiin phum tur a ni.
Hemi dan bawhchhetute chu IPC Section 188 hmangin hrem theih an ni ang.
Post a Comment
He post chungchanga i ngaihdan lo sawi ve rawh: