Aizawl | April 23, 2020: Union Ministry of Agriculture and Farmers Welfare chuan inkharkhip hun chhung hian loneitute leh lo lam hnathawh buaipuia chhawmdawl turin ruahmanna hrang hrang a siam a. Pradhan Mantri Kisan Samman Nidhi (PM-KISAN) Scheme hmangin inkharkhip chhung March ni 24 atang a vawiin ni thleng hian loneia eizawng chhungkua vaibelchhe 8.89 te chhawmdawlna pek an ni tawh a, tundinhmunah hian cheng vaibelchhe 17,793 pekchhuah a ni tawh a. Tunah hian a tam zawk chuan an hna an chhunzawm leh tawh a ni.
Mizoram a loneia eizawngte pawhin he scheme kaltlang a hamthatna hi an dawng a. Chung zingah chuan Pi Lungtiawii, Khawbung khua, Champhai district a cheng pawh a tel ve a.
Pradhan Mantri Kisan Samman Nidhi scheme atang hian cheng sanghnih a dawng a. Pi Lungtiawii chuan inkharkhip laia cheng sanghnih dawn chu a hlut thu leh a lawmthu sawiin a pawisa dawn chu an lo lam hnathawh kaihhnawih atana a hman thu a sawi bawk. Pi Zodinpuii, Kolasib Venglai a cheng pawhin Pradhan Mantri Kisan Samman Nidhi scheme atanga cheng sanghnih a account-ah a dawng a. Rampum huap inkharkhip laia sorkar laipui atang a tanpuina a dawng hi lawmawm a tih thu a sawi a. Pradhan Mantri Garib Kalyan Yojna puan anih hnuah lonei a eizawng mi thahnem takin an account ah cheng sanghnih an dawng tawh a ni.
- PIB Aizawl
Post a Comment
He post chungchanga i ngaihdan lo sawi ve rawh: