PMGKY hnuaiah chhungkaw vaibelchhe 19.50 vel hnenah pulse/be lam chi sem a ni bawk ang.
Aizawl | April 21, 2020: Sorkar laipui hnuaia Department of Agriculture, Cooperation and Farmers Welfare chuan inkharkhip hun chhung hian loneitute leh lo lam hnathawh buaipuia chhawmdawl turin ruahmanna hrang hrang a siam a.
Pradhan Mantri Kisan Samman Nidhi (PM-KISAN) Scheme hmangin inkharkhip chhung march ni 24 atanga vawiin ni thleng hian loneitu chhungkua vaibelchhe 8.89 te chhawmdawlna pek an ni tawh a, tundinhmunah hian cheng vaibelchhe 17,793 release a ni tawh a.
COVID 19 hrileng vanga harsatna kan tawh karah eiin tlachham an awmlohna turin Sorkar chuan Pradhan Mantri Garib Kalyan Yojana (PM-GKY) hnuaia a dawng thei tur chhungkuate hnenah pulse/be lam chi a sem dawn a. Tunah hian State/UT te hnenah pulse MT 107,077.85 a pe chhuak tawh a ni.
PMGKY hnuaiah hian state/UT zingah A&N, Andhra Pradesh, Chandigarh, Chhattisgarh, Daman & Diu, Goa leh Gujarat te chuan a dawngtu turte hnenah pulse hi an sem chhuak tawh a. State dang Madhya Pradesh, Punjab, Rajasthan, Telangana, West Bengal, Uttar Pradesh leh Delhi te pawhin a then a zarh sem chhuah theih turin an dawng tawh a. Ruahman angin a dawngtu turte hnenah a dawng hmasa leh hnuhnung awmin an sem dawn a ni. He PMGKY hnuaia hmalaknaah hian State leh Union territory 36 a chhungkaw vaibelchhe 19.50 hnenah pulse hi sem tur a ni.
- PIB Aizawl
Post a Comment
He post chungchanga i ngaihdan lo sawi ve rawh: