Zirna in ten sawrkar tawiawm that vangin HTE minister lawm; Online zirtirna kalpui turin ngen

Aizawl | March 23,  2020: Higher & Technical Education Minister Dr. R.Lalthangliana chuan vawiin khan MZU Vice-Chancellor, Aizawl Theological College, Academy of Integrated Christian Studies Principal te leh, Higher & Technical Education Department hnuaia College Principal leh private institution ten tunlai hri leng, COVID-19 laka invenhim nana sawrkar ruahmanna an tawiawm that avangin lawmthu a sawi a. Class tihtawp lailawk te, exam sawn chungchangah te sawrkar an thlawp zel avangin lawm awm a ti bakah, heng ruahmanna te hi Mizoram-a COVID-19 darhzau tur danna kawngah a tangkai ang tih a rin thu a sawi bawk a ni.

Minister Dr. R.Lalthangliana chuan Class tih tawp lailawk chungin in lama awm leh hostel-a awm zirlai ten zirna hun atan hmang hlauh se, digital online hmanga a theih ang anga lo inzir turin a ngen a ni. College principal leh faculty te inrawna, a theih anga zirlai ten class tih tawp lailawk chhunga an zirlaite an chhunzawm zel theihnan ruahmanna (alternative device) siam turin a ngen bawk a ni.

- DIPR

Post a Comment

He post chungchanga i ngaihdan lo sawi ve rawh:

Previous Post Next Post