Aizawl | March 23, 2020: Serchhip district magistrate H Dolianbuaia, chuan COVID-19 hrileng laka inven nan nimin khan thuchhuah siamin, "Mizoram hmun dang leh ramdang atanga Serchhip District luhna kawngpui zawng zawng chu khar vek tur a ni." tiin thupek a chhuah niin sawrkar website chuan a tarlang.
Thupek hian March 29 thleng a huam dawn a, damdawi dawr leh nitin mamawh (Essential Commodities) dawr tiam lovin dawr zawng zawng khar a nih vek bakah thupekin a hriatthiam chin tih loh chu Lirthei tlanchhuah phal loh a ni bawk. Office kai ni ah chuan Sawrkar office hawn vek tur a ni.
Mizoram hmun dang leh ramdang atanga Serchhip District luhna kawngpui zawng zawng chu khar vek tur a ni a, ei leh bar phur emaw damdawi lam thawktute leh ambulance motor te a huam lo.
- DIPR
Post a Comment
He post chungchanga i ngaihdan lo sawi ve rawh: