Mipuiten thudik an hriat nana reporter, camerperson leh technician te inpekna fakawm - PM
Thudik lo leh mipui sawi thraih lova media ten thu an puan a ngai - PM
New Delhi | March 23, 2020: Vawiin khan Prime Minister Narendra Modi chuan electronic media lam hotute biain, COVID 19 do kawnga tan lak dan tur te a sawipui.
PM chuan media mite chu he natna hri kan hriat ni atanga an hnathawh chhuanawm a tih thu a sawi a, mipuite hnena inhrilhhriatna an kalpui dan a fak bawk. Reporter, cameraman leh technician te inpekna ropui tiin Prime Minister chuan ram tana hnathawk an ni a ti a, channel thenkhatin in atanga anchoring an ti chu a fak bawk.
COVID 19 chu kan dam chhunga kan tawn zinga khirh ber pawl a ni tiin Prime Minister chuan kawng danga kan hneh ngei a ngai a no a ti a. Kan hmaah hian indona thuitak awm mahse mipui punkhawmna a kan kal loh ten leh mahni kan awm hran thiamin kan hneh thei a ni a ti.
PM chuan channel te chu thudik chauh puang turin a chha leh a, mipuite sawi thaih emaw an hlauhthawn tur ang zawnga thu puang lo tur leh doctor leh health care a thawkte ti phur tura thupuang turin a ti a ni.
Hei bakah hian Prime Minister chuan scientific report pe tam turin leh mipuite hnena inhrilhhriatna lam uar turin a ngen nawn leh bawk a ni.
Media aiawh te pawhin PM hnenah lawmthu an sawi a. He natna hri a len lai hian lungrual taka hna an thawh tlan tur thu an hrilh a ni.
Mipui te nena an inpawhna chungchang sawiin Prime Minister chu a khat tawka thu chah sawi turin an ngen a, a bikin COVID 19 dam chhuahpui te chanchin chu sawi uar tul an tih thu an thlen. Doctor a buaipuitute chuan reporter te chu engtik lai pawha an biak theih thu leh TV channel dangte lak chhawn theih turin Prasar Bharati chuan nikhat ah vawi 2 te an puang chhuak thin se an ti bawk.
Prime Minister chuan an thurawn te chu a pawm thu leh lawmawm a tih thu a sawi a. Digital payment uar tura mipuite zirtir tam tura a fuih bakah thudik lo te chu a dika chhang let zel turin a chah a ni.
Secretary, Ministry of Health and Family Welfare chuan Health Ministry beat journalist te chungah lawmthu a sawi a. COVID 19 do kawngah thawhhona tha tak an nei a ni a ti
Director General of Indian Council of Medical Research chuan testing kalpui dan pawh a that thwkhat thu leh a teting kit tam zawk sem chhuah a ni a ti .
Union Minister for Information & Broadcasting, Secretary Ministry of Information & Broadcasting leh senior representative te bakah editor thahnem tak an tel a ni.
- New Delhi: PIB / Aizawl
Post a Comment
He post chungchanga i ngaihdan lo sawi ve rawh: