Ram pawn atanga lo lutte Sawrkarin quarantine facility a siamah dah tawh dawn

Aizawl | March 23, 2020: Mizoram Sawrkar Home Department thuchhuah angin COVID-19 laka Mizoram mipuite him zawk nan vawiin atang khan ram pawn atanga lo luttte Sawrkarin quarantine facility a siamah dah tawh dawn.
He thupek hi vawiin atang khan khauh taka zawm nghal a ni a, thlawhnaa Lengpui atanga lo lutte chu Lengpui bakah Aizawl chhehvela Sawrkarin quarantine facility a siamah dah an ni a, Vairengte atanga lo lut te pawh Kolasib district a Sawrkarin quarantine facility a siamah  dah an ni.

1.Maharashtra, Kerala, Delhi, Uttar Pradesh, Karnataka, Rajasthan leh Punjab atanga thlawhna hmanga lo haw te chu Lengpui Airport an thlen veleh Sawrkarin quarantine facility a siamah dah nghal tur a ni.



2. Guwahati atanga lirtheia lo kal zawng zawngte chu Kolasib District chhunga sawrkar quarantine facility ah dah tur a ni. Hei hi District Level Task Force ten hma an la ang. 

3.Quarantine facility-a medical mi leh sa awm mek ten uluk takin heng mite hi an endik ang.

4. District Level Task Force ten quarantine facility-a dah zawng zawngte hi an zin veivahna hmun (travel history) zawng  zawng chiang takin an chhinchhiah ang a. Local Level Task Force te nena tanghovin heng mite hi mahni ina inkhunghranna tur hmunhma an nei tha tawk em tih leh khawiah mah ding khawmuang lova an chenna in thlengin chatlak lova kalna tur lirthei an nei em tih te an enfiah tur a ni.

5. Mahni ina inkhunghranna tur tha tawk an nei em tih finfiah a nih hnuah chauh sawrkar quarantine facility hi chhuahsan phalsak an ni ang.

- DIPR

Post a Comment

0 Comments