Miss Mizoram Zirsangpuii Covid 19 do nan a luangchhuak

Aizawl | March 21, 2020: Miss Mizoram 2020 Zirsangpuii chuan hripui leng mek Covid 19 dona atan Khawzawl district Level task force on corona virus hnehah a lawmman dawn aṭangin cheng singhnih a hlan.

   


Khawzawl DC H Lianzela thuchhuahin a tarlan danin, He sum hi a mamawhtute tana Mask semchhuahna atan hman tum a ni.



Miss Mizoram Zirsangpuii chuan, "Ka lawmman dawn hi mipui tana ṭha zawnga hman ka lo tum sa hrim hrim a, engtiang zawnga hman tur nge phei chu ka hre lo, mahse, tun kan hun tawn heti hi a nih takah chuan a hmanna tur ber niin ka hriaa Covid 19 donaah a lo ṭangkai ve beiseiin ka hlan ta a ni," tiin a thilpek chungchanga exploremizoram.com zawhna a chhang.


Miss Mizoram Zirsangpuii hian lawmman atan tangkafai cheng nuaih 1.7 a dawng a, mipui tana a inpekna a fakawm takzet.


Mipui himna atana mi inpe Miss Mizoram Zirsangpuii an neih vangin DLTF chuan lawmthu an sawi a, a kal zelna turah duhsakna an hlan a ni.


(A hnuaia fakna hi lo hmet ve rawh.)

1 Comments

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post