Aizawl | March 21, 2020: COVID - 19 laka mipuite him zawk nan Clause 11 of The Mizoram Epidemic Diseases (CoVID-19) Regulation-2020 leh Section 144 CrPC in thuneihna a pek angin Aizawl District Magistrate Vanlalngaihsaka chuan Aizawl District chhunga Vantlang hmunah reng reng mi 5 (panga) aia tam awmkhawm khapna thupek vawiin khan a chhuah.
He thupek hian CoVID-19 hrileng dona kawnga Sawrkar hmalakna bawhzuitute a huam lovang. He thupek hian vawiin March Ni 21 atanga April Ni 10, 2020 thleng a huam ang.
Khawzawl District Magistrate H Lianzela leh Lunglei district magistrate pawhin khawzawl district leh Lunglei district chhungah mi 10 aia tam awmkhawm khapna thupek vawiin khan an chhuah.
Khapna thupek hian Hospital/Medical emergencies lama thawktute, Dan leh thupek kengkawhtute, thihna emaw rikrum thil avanga abika phalna pekte bakah COVID-19 laka him theihna tura hnathawktute erawh a huam tel lo a ni.
Thupek zawm lo chu IPC Sec.188 hmang a hrem theih an ni a, thupek hian chhuah anih atanga thla hnih chhung a huam ang.
Post a Comment
He post chungchanga i ngaihdan lo sawi ve rawh: