COVID 19 | Sairang-ah Partial Lockdown mipuiin an thlawp tha

Aizawl | March 21, 2020: Sairang khua ah chuan Covid 19 vanga khawtlang hruaituten mipui te pawn lam a chhuah vah tam loh a, mahni in lam a tawm im tam tura ngenna an siam chuan zawm a hlawh tha viau.

Nimin khan Sairang khawpui chu kawtthler a reh dup a, hruaitute ngenna chuan zawm a hlawh hle a, he hmalakna hian vawiin thleng a huam rih phawt ang.

Pic Pc-a Pachuau

Dawrkai te in hawn leh mamawh te lei hun atan nitin chawhma dar 10-12 noon inkar  hun hawn a ni. 

Khawtlang a thil thleng thei hrang hrang te Village Level Task Force leh Police ten an thlithai reng bawk. Hmalakna hmasa hi march 31, 2020 thleng a ni ang.

Hripui darh mek Covid 19 laka invenna atana Sairang khawtlang inpekna leh thuawihna a fakawm tak zet a. Khaw dang mi leh sa pawhin hmanni lawka ngenna an lo siam tawh angin Sairang leh a chhehvel tlawng ruam-ah intihhlim leh zin veivak loh kan inzir ve a ngai a ni.

I him chuan kan him ang, Pakhat kan him loh vang hian kan hnam a him lo thei. 


Post a Comment

0 Comments