Aizawl | March 23, 2020: Lelte Traditional Singer's of the year 2019 latu leh tun laia Zaithiam sawm hlawh tak Lalbiakhluni Colney chuan kumthum zenzawn a lo hahpui tawh “Thuam ang ka do lo che,” tih hla music video shooting chu nilaini khan an zo fel tawh a, mipui en theih tura chhawp chhuah thuai a ni dawn.
Lalbiakhluni chuan hee music Video puitlinna tura tha leh zung, sum leh pai senga thahnemngai taka amah tawiawmtute chungah lawmthu a sawi.
Lalbiakhluni chuan, “He music Video hi a hla thu a that mai bakah a video pawh a hmuhnawm thei ang ber tura chan niin mit leh beng a ti tlai dawn hle,” tiin a bawk.
Music & Recording hi Rka 3Brothers a ni a, Video Grapher hi Zoa Video Product niin Makeup Artist hi Ruati Liankhum a ni. LPS ah leh ama Youtube channel ah mipui en leh ngaihthlak theih tura dah thuai tura hmalak mek a ni.
He music video “Thuam ang ka do lo che,” tih hi Liantawia (L) Saitual khua-in kum 1930 a phuah a a ni. Liantawia hi Saitual Lal Dorâwta khua leh tui tha tak te zinga mi a ni.
He hla hi Lal lal lai a hnamchawm tlangval leh Lal fanu inngaizawng, Lal leh a khâwnbawlte'n an duh loh zia leh hnamchawm tlangval pawh khua atanga hnawhchhuah hial tawkin, chumi avanga an lunglenna thu inthawn atanga he hla hi rawn piangchhuak a ni.
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: