Aizawl | March 23, 2020: Covid 19 vanga Mizoram inkharkhip chhunga Zirna hostel a awm zirlaite'n mahni in pan tura harsatna an tawh loh nan Lunglei district chhunga hostel te chu zirlai awm mekte March 29 thleng chu la chhuahtir rih lo turin Lunglei Bawrhsapin a hriattir.
Sawrkar thuchhuah/website chuan, "Mizoram Sorkar-in Coronavirus (COVID-19) laka mipuite himna tura March 21-a thuchhuah a siam angin March 22 atanga March 29 chhung hian pawn lama mipui chhuah khap a nih bakah, public transport leh mimal lirthei tlan chhuah khap a ni a. Hei vang hian hostela awm mek zirlaite chu hostel atanga chhuah tir an nihin mahni in pan tura harsatna tawk thei dinhmunah an ding a. Chuvangin Lunglei District chhunga hostel(Residential School)-a zirlai awm mekte hostel atanga chhuah tir loh tur a ni a, an awmna hostel-a la awm chhunzawm turin School/Hostel neitute chu hma la tura hriattir an ni," tiin a tarlang.
Loh theihloh thil emaw, rokhawlhna avanga hostel chhuahsan ngei ngei ngai an awm chuan hostel awmna venga Village Level Task Force member te hnenah hriattirin, VLTF chuan District Level Task Force be rawn chungin ruahmanna an siam ang.
He thupek hian State Sorkar thupek dinglai in hun a bituk angin March 29 thleng a huam phawt ang.
Post a Comment
He post chungchanga i ngaihdan lo sawi ve rawh: