ZAIMITE HUANG: Hmingtea Chhangte i lo belchiang ang

Mizoram Zaithiam, Mizo Idol star leh Idol neih lai pawha mi ngainat leh a aw dangdai tak vanga mi hriatreng hlawh Hmingtea Chhangte hi lo belchiang ang.



Hmingtea Chhangte hi a lai-ah hming chu Lalhmingliana niin, C Chhuanthianghlima leh K Suibawri te fapa niin, January 11, 1991 khan a piang.

Hmingtea Chhangte te hi Siaha khua niin, tunah hian Bethlehem, Aizawl-ah chengin a khawsa mek.

 


Hmingtea Chhangte te hi unau paruk niin, Mipa panga leh hmeichhe pakhat an ni a, Hmingtea Chhangte hi a naupang lam atanga chhiara pathumna a ni.

Zai ah chauh hi lovin Hmingtea Chhangte hi zirna lamah pawh a lo hniam lo khawp mai a, 2018 khan MZU atangin Master degree in mass communication a zo a ni.


Music Video Album pakhat ti chhuak tawhin, singe music video hi pasarih vel a tichhuak ve tawh.
Hmingtea Chhangte hi Zai avang hian Vulmawi Award, Moonlight Award, Lelte Award leh Thazual award te a lo dawng tawh.


A duhzawng leh ngainat zawngte:
Rawng -  A naupan deuh lai chuan green a ni thin a, mahse, tunah chuan duh ber a ngah tawh Black, White leh Grey hi chu nalh a ti vek

Chawhmeh  - Dal, Sa-um a thil tui tak a bai leh vawksa rep chhum a duh ber

Incheina - Incheina ah hian a lam thin a vangin, colourful lam nalh a ti a a ha tam bawk a , Tin kekawr hi a ha zuih deuh thin a, a chhan pakhat chu keimah hi ka san loh avang hian mi a ti langfel fai bik in ka hria a, ka duh ber chu smart tak a in chei hi ani tho mai., a ti.

Rimawi – Blues, RnB, Hiphop, Rock adang pawh a duh vek chutih rual in a feel ber thin chu country music.

Mizo Ziaktu zingah - Mafaa Hauhnar leh Vanneihtluanga

Hla- C Lalzarmawia hla phuah "I ta ka ni e"

Hla phuahtu -  K Hminga

Mize ngainat zawng: Mi positive , mi te thatna lai sawi tam mi leh nuih duh ve tak mi rel chinglo.
 

Mize ngai nat loh zawng - Mi chapo leh mi rel ching an bula tawngtur in ven ngaih rengna ang chi hi ka ngaina lo. 

Hobby- Lam leh zai

Relationship status - 🙈

Kawppui atan duhzawng -
- Pathianthu awi leh mize zawi min hrethiam em em tu leh mizahder thiamtu ka duh ber chutih rual in a pawimawh em em chu Tun ka tawng hawlo se lehkhathiam nge fate tan a thlir zauthei tur ka duh.





Zawhna dang:
1. A tel lova i awm theih loh: Pathian

2. I nun kaihruaitu: 
- Pathian , ka nu leh pa min zirtirna leh keimah a Inrintawkna awm thin hi ka nun kaihruai ngiltu pawimawh tak ni in ka hria.

3. Hringnuna i hlauh ber:
- Beidawnna hi ka hlau ber a mahse ka thil hlauh ber hnehtu beiseina ka kawltlat chuan ka thil hlauh ber hian min hneh ngaidawn lo tih ka hria.

4. I tih ngai miah loh tur: 
- Midangte natna ata hlimna lo hmuh hi engtikah mah tih ka duh lo , Tin tunlai thalai te hmelma ruihhlo bawi a tang nih hi ka tumlo bur bawk a, kanu leh pa rilru natna tur tawngkam chhakchhuah hi ka tih miahlo tur pakhat leh bawk chu a ni.

5. Mizo Tualzal nuna ṭha i tih: 
- Ai a upa kan zahna , tlawmngaihna  leh kan rilru a huaisenna kan neih Pasaltha rilru pawh hi chhawmnung zel atan tha ka ti.

 

6.  Quote i duh ber:
-" Ka thil hlauhber chu beidawnna ani , chu beidawnna hnehtheihtu beiseina kawltu ka ni"      Hmingtea

7. Mizote tan 'Fa neih tlem' inzirtir hi a ṭulin i hria em? 
- Thil engkim ti tur hian planning tha tak neih angai a , kan chawmzawh ngei  tur fa neih hi a tha ka tih ber chu ani, Fate nei teuh ila chawmzo tha leh silo ila a nun a hreawm mai bakah keima hlimna ngei pawh hian a tuar thei, chutihrual in tha tak a enkawltheitu dinhmunah chuan ding ila hriselna in a theih ang tawk neih chu a tha ka ti ve leh thung.

8. Khawtlang, Kohhran leh nangmah: 
- Kan mizo society hi tha ka ti a, khawtlang a inhman leh kohran hi chu ka thanlenpui a ni a, ka thisen ah hian a bet tlat a , a tello chuan ka awm theilo a, ka tan a hlu em em ani.

9. Social Media leh Nangmah: 
- Zaimi ka nihna ang in ka hmang tangkai em em a, programe tam tak ka hmuhna anih mai bakah tunlai ah chuan khawvel a changkan tawh a ,loh theih lohin khawih angai ani ,mahse  hei hi keimah ah chuan a tha lam zawngin tam tak ka hmang a ni.

10. Mizoram ṭhalai tam tak tlakchham:
- Kan duty kan hrelo thin lutuk hi, Engti tur nge ka nih ? Engti mi nge ka nih? Tih hi chiang tak a kan in hriat angai a, kan nun ah hian plan fel fai tak dah a tul a, chu kan plan ti puitling tur chuan kan duty tha tak a kan tih hmasak thin angai a ni.

11. Mizo ṭhalaite hian ngaihsan tur dik an ngaisangin i hria em?
- Ngaihsan zawng hi a in anglo hlawm viau maithei a, a mal te te in han in zawt ta ni ila chuan amah erawh chu a nawlpui in kan lo ngaihsan hi chu social media a, an common vang te zirtir nei tha vak chuang silo pawh hi ani thei a, diklo tam tak chu a awm ve in ka hria

12. Ngaihsan tur dik nia i hriat: 
- Mi tum ruh mi hlawhtling te, eng ang ti mi pawh ni se zaithiam an ni emaw, lehkhathiam an ni emaw, inkhelh thiam an ni emaw , eng ang mi pawh lo ni se an mahni a hlawkna thlen theitu leh zirtur tha nei chi hi ngaisang sela a tha ka ti ber.

13. Hlawhtlinna tura pawimawh: 
- Ka sawi tawh ang khan a hmasa berah Pathian kutah dah ila a next chu kan duty mawlh mai kha kan hringnun a kan beiseina te ti puitling tur hian kan duty kan tih that angai, thil dang neuh neuh kan in tihbuai tir thin avang hian ka duty pawimawhber tih na hun kan neilo  thin a, awmawl hi setana zia a ni tih hria ila , awm awl mai mai chuan tumah in kan ka ah hian chaw min barh reng dawnlo keimahni ke a kan din a tul hun a awm ngei ngei dawn chumi rilru pu a, kan duty tih hmasak hi a pawimawh ber mai. Entirnan: Aizawl atang Guwahati ah i zin thla dawn a lunglei road a i kal daih chuan i hmalam hun tura i thlenna hmun tur kha i thleng thei ngaidawn lo ani. Chuvangjn i duty chu Guwahati kawngzawh nghal mai kha ani.

14. I nuna hloh i hlauh i hlauhber: Beiseina

15. Zofate inpumkhatna hi a tak a thlen theih i ring em?: 
- Teh reng mai rilru hmun khat pu in awm ila , thalai te hian kan history te hi hrechiang leh zual ila, unau naupan lai a ral vanga hmun hrang hrang a lakbo in hmu khawm leh ang mai kan ni ka ring.

Thalaite hnena chah duh:
- Nu leh Pa chawmawi hi damreina ani tih Bible ah a in ziak anih kha kan lei hmuh theih Pathian te hi i hmusit don anih chuan an dinhmunah han in chanta la, chuta tang chuan an hmangaihna i hrethiam mai ang, chung hmangaihna pawh chu i chhutchhuak zolo a nih chuan i in enlet hle angai ani, I Nuleh Pa hmangaihla Nuleh pa neilo te tan kan Nuleh Pa diktak vanah a awm reng tih hria ila, hlawhtling tura Duty ka sawimawlh mai khi ka sawi nawn leh bawk e.

 

EXPLOREMIZORAM.COM i hmuh dan:
- EXPLOREMIZORAM.COM hi tha ka ti a tunlai new media internet hmanga in hma lakna hi Mizo Mipuiten kan mamawh em em mai a ni.
Tin,  in news reng reng ka lo thlir thin hian belhchian a dawl thin em em a, tunlai thalai te mamawh em em bengvarna tha tak a ni ka ti lo thei lo, hma lam panin kal zel ula in hlutna hi Mizo thalai te hian a la hre zel dawn a nih hi, ka lawm e.

- H Zate
Founder
EXPLORE MIZORAM


EXPLORE MIZORAM
Website: https://www.exploremizoram.com

Social Media-ah lo follow ve la:
IG: https://www.instagram.com/exploremizoram
FB: https://www.facebook.com/exploremizoramportal
Telegram: https://t.me/exploremizoramchannel


(A hnuaia fakna hi i lo hmet ve dawn nia.)

Post a Comment

0 Comments