Centre in mipui tangkhang te ngaihtuah turin State sawrkar hriattir

Aizawl | March 30, 2020:  Mahni state ni lova awm mek, letna tur nei lote ngaihtuah turin sawrkar laipuiin state sawrkar te a hriattir.

Cabinet Secretary leh MHA te chuan State tin Chief Secretary leh DIG te a hriattir tawh a. Niminpiah leh nimin khan video conferencing neih puiin a hriattir leh bawk.

State leh UT tin ah te dan siam mek a ni a. Mipui mamawh a awm theih nan hmalak a nih bak ah chawl lovin sawrkar tin ten COVID 19 avanga boruak te an vil reng a ni.

Amaherawhchu state danga hnathawk, mahni state a kir lo mi tam tak tangkhang an awm a. State border te khar a nih tawh avangin mipuite hi khawiah mah an kal thei lo a ni. Tunah rih hian bungrua phur lirthei te chauh kal tir phal an ni a. DM leh SP tin ten hei hi vil ngun turin leh DM Act hnuaia thuchhuah tur ten a hrilh an ni.

State sawrkar te chu heng mi tangkhang mek te ei leh bar ngaihtuah tura hriattir an ni a. Hemi atan hian sawrkar laipui chuan SDRF fund nimin khan a pe chhuak a ni. State tin ten an mamawh zat hemi head ah theuh hian an hmu ang.

Heng mite hian a hun taka an hlawh an lak theih nan sawrkar laipui chuan state sawrkar hmala turin a hriattir a. Lockdown chhung hian in luah man pawh la lo turin a ti bawk. Lockdown chhunga zirlai leh hnathawk a chambangte an in luah atanga chhuahtir an awm chuan an chungah dan anga action lak a ni ang.

Lockdown chhunga dan siam bawhchhia leh hmundanga zin lui an awm chuan sawrkar in quarantine facility a siamah ni 14 chhung hren an ni dawn a ni. Kimchang zawkin state tin hnenah hriattirna chhuah a ni.

Corona Virus darh zel tur venna atan hian kar thum chhung mahni inkhunghran tur tih hi state sawrkar ten an zawm ngei ngei tur a ni a. Hei hi mi zawng zawng thatna tur atan a ni.

Post a Comment

1 Comments

  1. Hei hi kimchang zawkin hmalak dan tur min han hrilh ve teh u . Kan naute Bangalore a hnathawk an tang tlat mai. Tunah hian mi inah a thiante 5 nen an tangkhang tlat a..rawn haw an duh bawk si. Guarantine nghal tur nimahse rawn haw ngei an duh ania..

    ReplyDelete

He post chungchanga i ngaihdan lo sawi ve rawh: