COVID 19 hri len hnua India hmalakna

Aizawl | March 28, 2020: India sawrkar chuan COVID 19 outbreak atang khan rang tak leh chak takin hma al a. WHO in January 30th-a emergency a puan hma daih atang khan ramri te alo khar tawh a ni.

Ram pawn atanga India rawn lut te endik an nih hnu atanga hun rei lo te ah sawrkar chuan visa a pekchhuak thin te a ti tawp a, international flight chu ram dangin an tih hma atanga a ram chhunga luh a lo phallo tawh a ni.

China leh Hongkong atanga khualzin lo lut te screening chu January ni 18 atang a kalpui tawh a, India in a vei a hmuh hmasak ber January ni 30 hma daih khan a ni.

Khawvel chanchin a bikin Italy leh Spain he COVID 19 in a tihbuai dan a zirchian hnuah khualzin te chu ni 25 atanga ni 39 chhung a lo endik zel tawh a ni.

Sawrkar laipui chuan he natna hri darh zel tur venna atan hian a  rang thei ang berin hma a la a, zin chhuah a khap hnuah ram dang atanga lokal te endikna hun, quarantine tura ruahmanna siam leh visa tihtawp te a kalpui na a rei tawh a ni. A hmalak dan kimchang zawkin:

17th Han- China-a zin lo turin hriattirna chhuah
18th Jan- China leh Hong Kong atanga khualzin te thermal screening a tan
30th Jan- CHina a zin khapna
3rd Feb-  China citizen te E-visa facility tihtawp a ni.
22nd Feh- Singapore zin lo tura hriattirna chhuah a nih bakah Kathmandu, Indonesia, Vietname leh Malaysia flight te tan universal screening tih a ni
26th Feb- Iran, Italy leh Republic of Korea a zin lo tura hriaatirna chhuah a nih hnuah zin mi te endik an ni a, quarantine leh risk assessment te neih a ni bawk.
3rd March- Italy,  Iran, South Korea, Japam leh China visa tihtawp a ni a. China, South Korea, Japan, Iran, Italy, Hong Kong, Macau, Vietnam, Malaysia, Indonesia, Nepal, Thailand, Singapore leh  Taiwan  atanga khualzin lokal tan compulsary health screening neih tan a ni.
4th March- International flight zawng zawngah universal screening neih tan a ni a. Mahni a in khunghrang tur leh hospital lama enkawl tur a tih te zawn chhuah an ni.
5th March- Italy emaw Republic of Korea atanga khualzin lut turte chu medical certificate an neih lawh angai.
10th March- Home isolation turin ram pawn atanga lo lut te hriattir an ni a, China, Hongkong, Republic of Korea, Japan, Italy, Thailand, Singapore, Iran, Malaysia, France, Spain and Germany atanga khualzin te tan Do's and Don'ts tihchhuah a ni a, ni 14 chhung quarantine tura tih an ni.
11th March- China, Italy, Iran, Republic of Korea, Frace, Spain leh Germany atanga 15th Feb hmaa lo lut te chu ni 14 chhung quarantine ngei ngei tura tih an ni.
16, 17, 19th March ah Comprehensive advisory chhuah a ni
16th March ah hian UAE, Qatar, Oman leh Kuwait atanga lo lut te ni 14 chhung compulsory quarantine tura tih an ni a. European Union ram, the the European Free Trade Association, Turkey leh  United Kingdom atangin India luh phalloh a ni.
17th March- Afghanistan, Phillipines, Malaysia atangin khualzin luh phal loh
19th March- March ni 22 thleng incoming international flight zawng zawng tihtawp a ni
25th March- April ni 14 thleng international flight tihtawp leh a ni a. Airport zawng zawng ah screening tih tan a ni.
Endik a nih hnuah health lam enkawltute thu angin a then quarantine an ni a, a then damdawi inah dah an ni. Heng zawng zawng te hi state tin sawrkar hrilh an ni a, an state/UT a mi theuh te hi enzui tura hrilh an ni bawk.

Passenger screening hi airport 30 ah neih a ni a, port lian 12 leh a te 65 ah te neih an ni bawk. Mi nuai 36 chuang en an ni.

India mi screen lova luh tir an awm tihte hi thu belhchian dawl lo tak a ni. Sawrkar chuan a hun takah hma alo la tawh a, ramchhungah mi tam zawkin he natna hri an kai loh nana a hmalak leh a endik te zingah hian hmaih an awm lo. Hei hian khualzin, zirlai, sumdawng zin zawng zawng bakah ram dang mite a huam vek a ni.

State sawrkar te chu ngun taka vil tura hriattir an nih bakah enthlak mek te leh quarantine a awm mek te hi vil reng tura tih an ni.

Union Health Secy chuan videa conference hmangin vawi 20 chuang state sawrkar hotute a sawipui tawh a, Cabinet Secy telna hi State Chief Secy te nen vawi 6 vel an nei tawh bawk a ni. Integrated disease surveillance system siam a ni a, engtik lai pawha vil reng a ni bawk.

- PIB Aizawl

Post a Comment

0 Comments