PMO - IN PM CARES FUND-A THAWH TURIN NGENNA A TICHHUAK

Aizawl | March 28, 2020: COVID-19 hripuiin khawvel pum tuamin khawvel puma mi maktaduai tam takte hriselna leh eibar dinhmun a khawih mek a ni. India ramah pawh he coronavirus darh mek hi a rapthlak sawt hle a, kan ram hriselna leh eibar dinhmun thlengin a khawih mek ta. Prime Minister’s Office chuan he rikrum thil thleng mekah hian sawrkar lai pui tanpuina tura donation thawh tura sawmna siam chhuaka, a lo dawn theihna tur ruahman tura nawrna a dawng nasa ta hle.

Hetiang khuarel chhiatna emaw, chhiatna chi hrang hrang lo thlengah hian a tuartu tanpui dan tur te, a boruak inher dan thlithlai te, a thil tihchhiat tam takte siam that leh a hnuhma thawm thar lehna tura thawhhona hi a tul tak meuh a. Harsatna tawkte puih thuaina tur te, din thar leh siam that ngaite siam tha tura khawtlang leh ram pum huapa thawk nghal thei tura ruahmanna siam a tul hle thin. Hma lak thuaina turin khawl thar hman te, a chin chhui chianna lam thleng pawha ruahmanna siam thuai thuai hi tihmakmawh a ni.

Hun harsa leh khuarel chhiatna chi hrang hrang, COVID-19 hripui lengin harsatna a rawn thlen angte lo dolet leh nan leh a tihchhiatte thuama chhawmdawlna tur hian a bik taka ruahman national fund neih tul tihna a lian hle reng a, chumi bawhzui chuan vantlang mipuiten tanpuina sum leh pai an thawh theihna tur ‘Prime Minister’s Citizens Assistance and Relief in Emergency Situations Fund’ (PM CARES Fund)’ chu din a ni ta. He trust-ah hian Prime Minister chu Chairman niin member-ah Defence Minister, Home Minister leh Finance Minister te an tel.

PM Narendra Modi chuan mipui vantlangte inrawlha hna an thawh theihna kawng sial hi heng khuarel chhiatna thil dona leh chhawmdawlna atan hian a pawimawh tih a hre chiang hle a, chung zinga entirna pakhat atan chuan he trust hi din a ni ta a ni. He Trust-a thawh duhte chuan tlem lua awm lovin an phal leh theih zat zat an thawh theihna kawng ruahman a ni ang.

Khua leh tui tu pawh leh pawl eng pawh, PM CARES Fund-a sum thawh duh chuan website pmindia.gov.in. kal tlangin hetiang hian an thawh thei ang :

Account hming : PM CARES

Account Number : 2121PM20202

IFSC Code : SBIN0000691

SWIFTCODE : SBININBB104

Name of Bank & Branch : State Bank of India, New Delhi Main Branch

UPI ID : pmcares@sbi

A pek theihna tura hmanraw hman theihte pawh website pmindia.gov.in ah hian a awm-

Debit Cards leh Credit Cards

Internet Banking

UPI (BHIM, Phone Pe, Amazon Pay, Google Pay, PayTM, Mobikwik, etc.)

RTGS/NEFT

He fund atana donation-te hi section 80(G) tlawh chhanin income tax awl an ni ang.