COVID 19 | Chawlhna leh intihhlimna hmunte April 15 thleng khar rih dawn

Aizawl | March 19, 2020: Mizoram Sawrkar in Covid-19 chungchanga thu a chhuah bawhzuiin, Tourism Department chuan Covid-19 hri leng mek vangin Chawlhna leh intihhlimna hmunte April 15 thleng khar rih dawn.

Tourism deptt chuan Tourist Lodge/Highway Restaurant/Tourist Resort/Wayside Amenities leh Thenzawl Golf Resort zawng zawng te ni 19 March 2020 atangin ni 15 April 2020 thleng a khar rih dawn.

Tourism Department thuchhuahte:

1. Tourist Lodge/Highway Restaurant/Tourist Resort/Wayside Amenities leh Thenzawl Golf Resort zawng zawng te ni 19 March 2020 atangin ni 15 April 2020 thleng a khar rih dawn a. Hei hian mikhual thlen te, conference hall leh convention hall leh ei leh in te a huam ang. Mipui leh khualzin te tana heng Tourism Department in a khar te hi a tul dan ang zelin pawh sei emaw, pawh tawi a ni ang.

2. Private Hotel, Homestay leh Restaurant/Thingpui Dawr te theih tawp a fimkhur tura hriattir kan ni a. Hemi hun chhung hian puipunna lam chi reng lam chi reng reng Hotel emaw, Restaurant ten tih loh tur a ni. A tul dan ang zelin Sawrkar in enfiahna a nei ang. Hotel, Restaurant leh Homestay ten an mikhual te rinhlelh an neih chuan HELPLINE hrilh hriat vat tur a ni ang.

3. Hotel leh Homestay ten mikhual thar, ram pawn leh ram chhung atanga an neih in an travel history la in, report hi Director, Tourism Department ah Whatsapp No 6009728238 ah emaw mizoram.tourism@gmail.com ah thawn zel tur a ni.

4. Mizoram chhunga  Tours & Travel Operators ten State pawn emaw, State chhung ah reng reng a huho (Group) a zin mi te lo buaipui lo turin kan in hriattir bawk.

5. Tourism Department chuan mipui te kan lo him zawk nan hotel leh restaurant a kan thil chah (order) te pawh, a hmun a ei leh in lo in, pawn lam a lak chhuah (take-away) a, mahni inchhunga ei leh in turin a ngen bawk.

6. Covid-19 chungchanga hriat duh nei leh rinhlelh emaw, in ringhlel chuan Health & Family Welfare Department in a hnuaia HELPLINE a siam Number ah te hian englai pawha biah pawh theih reng a ni.

 102 (Toll Free); 0389-2323336;0389-2322336 leh 0389-2318336

 7. Mipui te pawh ram pawn a zin chhuak lo tur leh holiday hmang chhuak lo turin kan in ngen nawn leh a. Mahni chhungte Mizoram pawn atanga lo haw te chu ni 14 (sawm pali) chhung tal ‘home quarantine’ zel turin kan in hriattir bawk.

8. Tourist service providers ten mipui punkhawmna lam chi reng reng, a huho a chaw eikhawm (group dinner) te, party te, birthday lawmna chi emaw a huhoa Hotel leh Restaurant a pun khawmna ang chi reng reng programme la lo turin kan in hriattir bawk.

Post a Comment

0 Comments