COVID 19 | Thu leh awm hma chu CMO-ah Public Interview neih a ni dawn lo

Aizawl | March 19, 2020: Covid 19 hri leng vangin Chief Minister’s Office dawr tumte hriattur vawiin khan Addl. Chief Secretary to Chief Minister JC Ramthanga chuan thuchhuah siamin, thu leh awm hma chuan Chief Minister's Office-ah Public Interview neih a ni dawn lo niin thuchhuah chuan a tarlang.

“Tunlaia khawvelin a buaipui mek, Coronavirus (COVID-19) laka kan fimkhura kan him tlan theih nan hetiang hian hriattirna chhuah a ni:

i) Thu leh awm hma chuan Chief Minister's Office-ah Public Interview neih a ni lovang.

ii) Office pawn lam mi, Chief Minister's Office dawr tur reng rengin office luh hmain office pawna 'KUT SILNA' siamah fai takin kut an sil hmasa tur a ni.

iii) CM appointment pekte leh office dawrtute tan kut invuan/kut thinga inchibai kher loh tur a ni.

iv) Bawrhsawmna leh hrisel lohna nei chungin office dawr loh hram ni se.

v) Kan him tlanna tur leh kan fimkhurna tura Sawrkar thupekte tha taka zawm turin Chief Minister's Office hnuaia officer te, staff-te leh office dawrtu mipui zawng zawngte kan inngen a. Tul lova buai phili lo tur leh chiai lo turin kan inngen bawk a ni.”

Post a Comment

0 Comments