Aizawl | March 19, 2020: Covid 19 vanga khawvel a buai laiin Mizoram pawh a buai hle a, Mizoram-ah pawh a theih anga thain hma lain vawiin thleng khan mi 46038 endik tawh.
Sawrkar thuchhuahin a tarlan danin vawiin khan mi 4296 endikin, vawiin thleng khan mi 46038 endik a ni tawh.
Vawiin khan mi pakhat chu inah tawmim rih tura dah a ni a, endik a nih atanga vawiin thleng khan mi 164 inah tawmim rih tura dah an ni tawh.
Tin, hetihlai hian mi 10 chu COVID-19 test-na atana sample lak a ni tawh bawk.
Sample endik atanga positive, He natna avanga damdawi ina admit leh He natna avanga thi an la awm lo niin sawrkar thuchhuah chuan a tarlang.
WHO chuan Novel Corona Virus (COVID-19) chu khawvel pumah darh tawhah a puang a, ram 176 ah a darh tawh a ni. Khawvelin a rang thei ang bera hmalak ngaihna a ni. Hetiang a lo nih takah chuan Mizoram sawrkar pawhin he natna laka invenna leh a vei te hmuhchhhuah zung zung theihna turin hma a la a. February, 2020 atang khan Lengpui Airport leh ramri-ah zin mite chu he natna an vei leh vei loh endik thin an ni.
He COVID-19 lo darh zel tur ven a nih theih nan mipui te chu sawrkarin mipui himna tura a thuchhuah te zawm vek tur a ngen kan ni. Mitin ten kan khuhin kiu/ban thlepin ka kan hup tur a ni a, tui leh sabawnin fai takin kut sil fo tur a ni.
COVID-19 vei awmna ram/state atanga lo haw te chu, an lo thlen ni atangin ni 14 tal, mahni inah emaw sawrkar hmun ruat bikah khunghran tur an ni. Hei hi natna neilo te pawhin an zawm ngei tur a ni.
COVID-19 chungchanga hriat duh nei te leh khawsik, khuh leh thawhah nei te chuan Helpline no. 102(toll free), 0389 2323336, 0389 2318336 -ah phone tur a ni.
Post a Comment
He post chungchanga i ngaihdan lo sawi ve rawh: