COVID 19 | Bangladesh Zo Kutpui thulh

Aizawl | March 09, 2020: Mizoram Sawrkar Tourism Deptt leh Bangladesh Zofate tangkawpin  Bangladesh,  Rangamati ah ZO KUTPUI program March, 18-19,2020, ah hmang tura ruahman chu Covid 19 vangin thulh a ni.

Hemi chungchangah hian Organising chairman chuan a hnuaia mi ang hian thuchhuah/ngenna a siam:


Ahmasain ZO KUTPUI Bangladesh Organizing committee hmingin Chibai ka buk a che u.

Kan hriat tawh angin Mizoram Sawrkar Tourism Deptt leh Bangladesh Zofate tangkawpin  Bangladesh,  Rangamati ah ZO KUTPUI program March, 18-19,2020, ah hmang tura ruahman nimahse, Tunlai khawvel ina kan buaipui Corona Virus hrileng avangin, khawvel zofate tan Pa chan changtu kan CM zahawm tak Pu Zoramthanga chu Bangladesh rawn kal arem chan dawn loh avangin Mizoram Sawrkar Tourism Department enkawltu Minister zahawm tak, Pu Robert Romawia Royte  atangin Bangladesh ZO KUTPUI hmang tura inbuatsaihna kal mek chu Postpone or Cancelled rih phawt turin Over Telephone in thu dawn ani.

Bangladesh ah khaw hrang hranga Zofa unaute,  Social Organizations a hruaitu zahawm takte, Thalai leh Zirlai  Tlawmngai Pawl hrang hrang te, hnam inpumkhatna ngaipawimawha Zokutpui hlawhtling taka hman atana tha leh zung in sennaah lawmthu kan sawi a, chumi rualin in mi hriatthiamna kan ngen bawk che u ani.

Mizoram lam kan hotute atangin Zokutpui chungchangah thu leh hla a awm veleh kan rawn hriattir leh ang che u.

Ramin ri nei mahse; 
hnamin ri a nei love...

"Unau kan ni, Insuihkhawm leh zai i rel ang u"


Ka Lawm e

Ram leh hnam tana in thawhpui

Rem Liana Pangkhua
Chairman 
ZOKUTPUI Organizing Committee, Bangladesh.



(A hnuaia fakna hi i lo hmet ve dawn nia.)

Post a Comment

0 Comments