COVID 19 | Covid 19 vangin MZU Convocation leh Sports hun sawn

Aizawl | March 9, 2020: Mizoram University chuan thuchhuah siamin khawvel barakhaiha tibuai mektu Covid 19 vangin puipunna thil zawng zawng tiam chin awm lovin a sawn hla vek.



MZU thuchhuah chuan March 17 a MZU atanga zirchhuak tawhte chawimawina leh thlahna hun convocation chu tiamchin awm lova sawn a nih thu leh MZU hnuaia college hrang hrangte intihsiakna MZU sports March 11-13 leh March 23 -37 chhunga neih tur pawh tiamchin awm lova sawn a nih thu a tarlang.

MZU registrar thuchhuah chuan MZU hnuaia college te pawh campus chhunga puipunna leh punkhawmna pumpelh hram turin a ngen bawk.

Vawiina MZU thuchhuah vang hian Thenzawl-a MZU sports hockey khel tura kalte pawh kawng lakah kohlet vek an ni.

Corona Virus \Covid 19 hian nun a tibuai chho mek a, puipunna thil leh huau hua bakah khawtlang punkhawmte pawh titlem turin hma lak chhoh mek a ni a. Mizoram a pawl leh kohhran pawhin hma an lak thuai beisei a ni.


(A hnuaia fakna hi i lo hmet ve dawn nia.)

Post a Comment

He post chungchanga i ngaihdan lo sawi ve rawh:

Previous Post Next Post