COVID-19 AVANGA HARSATNA TAWK TE TAN JEJE LALPEKHLUA A CHE DAWN

Aizawl | March 25, 2020: Mizo Professional Footballer Jeje Lalpekhlua chuan a Official Facebook leh Instagram Account kaltlangin tunlaia hri leng nasa tak Coronavirus avanga Mizorama harsatna tawk te tan JJ12 Charity Fund atan tanpuina a pek chhuah tur thu a sawi a, vawiin atang hian Bank Account ah a duh apiangte tan sum hi chhunluh theih a ni ang.




Jeje-a hian a Charity Fund ah hian a hmingin Rs 1,00,000 (nuaikhat) a dah sa a, India sorkarin ni 21 chhung tehmeuh Total Lockdown a puan tak avangin ei leh in lama harsatna tawk thei chhungkua ten tanpuina an dawn theih nan hma a la ta a ni. Tanpui tur hria emaw harsatna tawkte tan a Official Facebook Page leh Instagram @jejefanai ah engtik lai pawhin a hriattir theih a ni.



Kan ram a him theih nan bang lovin i tawngtai theuh ang u.
“Nang malsawmna ni ang che”

He hun kan tawn mekah hian thuneitute leh mithiamte thurawn zawm i la,kan ram kan hnam dam nan pawn chhuak lovin mahni in lum atangin kan theih ang tawkin kan inveng theuh dawn nia. Thuawih taka kan awm chuan keini leh kan veng te damna tur a ni si a. - JEJE LALPEKHLUA

View this post on Instagram

COVID-19 chuan khawvel a run mek a,hemi avang hian Rampum lockdown neih a ni ta. Keini chu kan him in eitur kan nei a ni thei a,chhungkaw harsa zawk , nitin eichawp a inhlawh thin te tan erawh chuan châkkhai lakkhawm lâwkna tur nei lovin he hun hi hun lungngaih thlak tak a ni chho mek bawk.Heng harsatna tlema zawng kan lo sutkian pui theih nan a tul apianga hman atan JJ12 Relief Fund ah cheng Nuaihkhat (₹100000) ka dah a.Thawh ve duh leh mi dangte tanpuina a lo penchhuak ve duh kan awm chuan a hnuaia Bank Account Details kan dah ah khuan tlem lua awm lo tam lua awm lovin engtik lai pawhin a thun theih reng e.He relief fund hi Rampum lockdown avanga eitur nei lo leh chhuanchham zawk te leh dinhmun chhe ber pawh hmachhawn thei kan ni a,COVID-19 natna vei mi harsa tak tak te tan hman a ni bawk ang . Kan hun tawndanin min hruaina ang zelin he fund hi hman tum bawk a ni. Hetiang mi hriat kan nei anih chuan engtik lai pawhin facebook lamah :Jeje Lalpekhlua page ah leh instagram lamah Jejefanai ah engtik lai pawhin hrilhhriat theih kan ni e. Kan ram a him theih nan bang lovin i tawngtai theuh ang u. “Nang malsawmna ni ang che” *He hun kan tawn mekah hian thuneitute leh mithiamte thurawn zawm i la,kan ram kan hnam dam nan pawn chhuak lovin mahni in lum atangin kan theih ang tawkin kan inveng theuh dawn nia. Thuawih taka kan awm chuan keini leh kan veng te damna tur a ni si a.🙏🏻
A post shared by JeJe Lalpekhlua (@jejefanai) on


Account No - 20132758748
Account Holder - Vanlalhmangaihzuali
Branch - SBI Aizawl Main Branch
IFSC - SBIN0001539
Phone No - 9819079102

Post a Comment

0 Comments