COVID-19 HRI LENG DARHZAU ZEL TUR VENNA ATANA MIZORAM SAWRKAR IN INKAIHHRUAINA DAN A TICHHUAK

Aizawl | March 25, 2020: COVID-19 hri leng darhzau zel tur venna atana National Disaster Management Act, 2005, Section 6 (2) (1) in thuneihna a pek angin National Disaster Management Authority-in inkaihhruaina dan a siam chu Ministry of Home Affairs(MHA) in  Sawrkar Laipui/Ministry/Department, State/Union Territory-te zawm atan nimin khan a tichhuak a. Hemi zulzuiin vawiin khan Chief Secretary, State Disaster Management Authority hnuaia State Executive Committee, Chairman ni bawk chuan Disaster Management Act, 2015 Section 22(2)(h) in thuneihna a pek angin inkhaihhruaina dan mitin zawm atan a tichhuak.

1.    Sawrkar Laipui (Government of India) office zawng zawng, an hnuai Autonomous/ Subordinate Office leh Public Corporations zawng zawng khar vek tur a ni.

A huam ve loh turte :

Defence, Central Armed Police Forces, Treasury. Mipui nitin mamawh “public utilities” khawihtu office-te (petroleum, CNG, LPG, PNG telin), Disaster Managament, Power Generation and Transmission Units, Post Offices, National Informatics Centre, Early Warning Agencies.

2.    State/Union Territory hnuaia sawrkar department/office zawng zawng, Autonomous Bodies leh Corporations etc., zawng zawng khar tur a ni.

A huam ve loh turte :

a. Police, Home Guards, Civil Defence, Fire and Emergency Services, Disaster Management, Prisons

b. District Administration leh Treasury

c. Power & Electricity, PHED, Sanitation

d. Municipal hnuaia bawlhhlawh paih motor, tual phiatfaitute leh PHE tui semtute

Serial No 1 & 2 a office hrang hrangahte hian staff a tlem thei ang ber office kai tir tur an ni a, midang zawngin in lam atangin office hna an thawk tur a ni.

3.    Sawrkar leh mimal damdawi in leh a kaihhnawih medical establishment zawng zawng - damdawi leh hmanraw siamna hmun, semdarhna hmun dispensaries, damdawi dawr, laboratory, clinic, nursing home leh ambulance etc., te chu an hnathawh ngai an thawk ang. Medical personnel zawng zawng daktawr, nurse, para-medical staff, hospital a thawk zawng zawngte chu an hna tula an vei vah phal sak an ni.

4.     Sumdawnna hmun leh mimal hnathawhna hmun hrang hrangte khar vek tur a ni.

Khar ve loh turte :

a. Dawr – Public Distribution System (PDS) hnuaia ration lakna dawr, nitin mamawh zawrhna dawr, thei leh thlai zuar, bawnghnute sem leh zuar, sa leh sangha zuar, ran chaw zuar.

District thuneituten mipui vak chhuak lova an mamawhte in lama thawn/pek (home delivery) dan tur an ruahman thei ang.

b. Banks, Insurance Offices, ATM.

c. Print and Electronic Media

d. Telecommunications, Internet Services, Broadcasting leh Cable Services. IT leh IT enabled Services (for essential services) a theih chin chinah in lam atanga thawh tur a ni.

e. Ei tur, damdawi, damdawi kaihhnawih inentirna/inenkawlna hmanruate online a chah inpek.

f. Petrol pump, LPG, Petroleum leh Gas hralhchhuahna leh dahkhawlna hmun.

g. Power Generation, Transmission leh Distribution Unit zawng zawng.

h. Securities and Exchange Board of India in a notify Capital leh Debt Market Service-te

i. FCI, FCS&CA Supply Centre-te, Cold Storage leh Warehouse.

j. Private Security Services

Heng bak sumdawnna leh hnathawhna hmun te chuan in lam atanga hna hi thawk tura beisei an ni.

5.    Industrial Establishment zawng zawng khar vek tur.

Ngaihhnathiam tur te :

a. Nitin mamawh (essential commodities) siamchhuahna

b. Chawlh rem ve lo thil siam chhuah reng ngai nei te. Chung mite chuan State Government phalna an la tur a ni.

6. Khualzin phur- Thlawhtheihna, Rel, Lirthei zawng zawng chawlh vek tur.

Ngaihnathiam tur :

a. Nitin mamawh (essential goods) phurtute

b. Dan leh thupek keng kawhtute phurtu, Fire & Emergency Services.

c. Mamawh a awm palha, hna an thawk thei nan Airport leh Airlines hnathawkte veivah

7. Hospitality service (khualbuk) zawng zawng, a hnuaia tar lante tih loh chu khar vek tur a ni.

a.    Khualbuk chi hrang hrang - hotel, homestay, lodge leh motel – lockdown avanga khualzin tangkhang te, medical leh emergency staff te, thlawhna leh lawnga thawktute thlen mekna.

b.    Inkhung hranna (quarantine facility) atana hman mek emaw ruahman lawk emaw te.

8. Zirna in chi hrang hrang, he’ng – educational, training, research leh coaching institution ang chi chu khar vek tur a ni.

9. Biak in reng reng mipui tan khar vek tur a ni a. Eng sakhaw inkhawm mah phalsak tur a ni lo.

10. Vantlang puipunna hrang hrang – khawtlang thil emaw, politic emaw, infiamna emaw, intihhlimna emaw, zirna kaihhnawih emaw, hnam thil emaw, sakhaw thil emaw, pun khawmna chi reng reng khap tur a ni.

11. Mitthi vui chungchangah, a vuitu mi 20 aia tam tel theih a ni lo vang.

12.  Ni 15.02.2020 hnu lama India rama lo lut reng reng leh, damdawi lam thiam (health care personnel)-te’n inkhung hrang tura an tihte reng reng chu tualchhunga thuneitu (local health authority)-te’n hun bi an tuksak angin mahni inah emaw, sawrkarin inkhunghranna a ruahmanah emaw tha takin an inkhung tur a ni a, hemi zawm lote chu Indian Penal Code section 188-na hnuaiah hrem theih an ni ang.

13. Mipui mimir mamawhna avanga khuahkhirhna thlah dul loh theih loh a chunga tarlana thawktute COVID-19 laka an him theihna turin an office/pawl inrelbawlnaa mawhphurtu, an hotuten Health Department-in kaihhruaina a siam ang thlapin ruahmanna tha tawk an siam ngei tur a ni a, a theih chin apiangah midang hlatin an awm tur a ni.

14. Khuahkhirhna dan kengkawh tur hian District Magistrate chuan Executive Magistrate-te tir chhuakin an thuneihna huamchhungah khuahkhirhna dan tha taka kenkawh a nih theih nan mawh an phur ang a. Executive Magistrate-te kaihhruaina hnuaiah Line department official dangte an thawkho ang. Deputy Commissioner in Officer a bik ruatin, chu chuan a chunga sawifiah tawh ang khian mipui mamawh phur veivah a khaihlak loh nan 'pass' a pe thei ang.

State Sawrkar in Local Level Task Force a din te chuan Deputy Commissioner kaihhruaina leh khuahkhirhna hnuaia chutiang pass pek phalna an nei thei ang. 

15. Thupek kengkawhtuten he khuahkhirhna dan khauh tak hi mipui pawn chhuah khapna atana hman tur tih hriain mipui nitin mamawh lamna erawh dal loh tur a ni.

16. Deputy Commissioner ten damdawi in sak thar, zauh, tihlen leh chei that hna rang taka thawh a nih theih nan bungraw mamawh lam khawm, hnathawktute leh mamawh dang lak khawm kawngah khaihlak a awm loh nan tan an la tur a ni.

17. Mi tupawh he khuahkhirhna dan bawhchhia an awm a nih chuan Disaster Management Act 2005, Section 51 atanga Section 60-in a sawi ang leh IPC Section 188-na hmanga hrem theih an ni ang.

18. He inkaihhruaina dan hi ram pumah March ni 25, 2020 atanga chhiar tanin ni 21 chhung hman tur a ni.

 - DIPR

Post a Comment

0 Comments