Red FM in RJ Mafeli lalut; Darkar 16 chhung tichhuak

Aizawl | Feb 24, 2020: Red FM 93.5 chuan vawiin khan RJ thar RJ Mafeli Hlawndo lakluhna hun an hmang a,  Red FM Aizawl station chuan dar 16 chhung station programme an tichhuak.



Tunah hian Zing dar 6 atanga zan dar 10 thleng programme hi awmin, RJ ten Live a hun an hman hi zing dar 7 atanga zing dar 10 inkar leh tlai lama tlai dar 3 atanga dar 6 inkar a ni.

RJ Mafeli Hlawndo hian tlai lam dar 3 tanga dar 6 thleng a live thin ang a, zinglam hi RJ Matilda Tochhawng aw i ngaithla thin thung ang.

93.5 Red FM hian tun dinhmunah India ram chhungah station 80 an nei mek a, Mizoram ah hian Aizawl-ah chauh station an nei thung.

Red FM 93.5 Aizawl Station hi September 16, 2013 atang khan inbun tanin a tir chuan Live programme / Live On Air ti lovin Hla hrang hrang play in an kal reng a. Kum hnih chhung chutia an kal hnu chuan December 2015 khan Live in an pe chhuak thei ta a ni.

Red FM ah hian Mizo rapper Michael M Sailo, RJ Micky Chhangte leh Host lama hriat hlawh Baryl Tlau te an lo thawk tawh a, tunah hian Zaithiam Feli Thangluah a thawk mek bawk a, RJ Mafeli Hlawndo hian Baryl Tlau a thlak chiah a ni.

RedFM hi Mizoram a private FM tia hriat mai, Commercial channel hmasa ber niin, tunah hian Live Show kalpui thei hmasa ber leh awm chhun an ni.

(A hnuaia fakna hi lo hmet ve rawh.)


Post a Comment

0 Comments