MISS INDIA UNIVERSE 2020 ATAN KRISTIAN NULA!

Aizawl | Feb 24, 2020: Miss Universe 2020 a India aiawhtu tur thlanna Yashraj Studio Mumbai a Feb 20, sat 2020 zana neih zawh tak ah Karnataka nula Adline Castelino chu thlan a ni.

Miss India Universe 2020 ( Miss Diva Universe) thlanna hi January thla laihawl atanga neih tan ni in, India ram hmun hrang hrang atanga atha zual Top-20 Finalist ten Mumbai ah hian inelna an nei leh a, hengte atang hian Miss Universe leh Miss Supranational a India aiawhtu tur thlanchhuah leh a ni.

Kum dang ang thovin Miss Universe 2020 Lara Dutta chu Miss India Universe 2020 contest ah hian mentor ni lehin, Finale zanah hian Miss Supranationla nilai Thailand nula Antonio Porsild pawh inlanin, a ni hian Miss Supranational 2020 thlanna a india aiawhtu tur Mumbai nula Navriti Choudhary chu Sash a awrhtir a, Miss Universe  nilai Zozubini Tunzi erawh  Miss India Universe 2020 Finale ah hian alo in lan theilo a ni.

 *Tunge Adline Castelino ?*

Miss Universe 2020 thlanna a India aiawhtu tur atana thlan chhuah Adline Castelino hi  Mr.Alphonsus leh Mrs. Meera Castelino te fanu ni in, no 24th May 1998 ah Kuwait ah a lo piang a, tunah hian kum 21 na ahmang mek a ni. Ft. 5'6 inches a sâng ni in, Kg 55 a rit a ni. Kum 15 anih in Mumbai ah lehkha zir chhunzawm in St.Xavier School ah higher secondary a zova,Wilson college Mumbai atangin Business Management & Administration a Graduated bawk a ni.

Adline Castelino hian a naupan lai ahun tamzawk chu a nu leh pa leh a laizawn nen kuwait ah ahmang a, Mumbai a an awm hnu in zirna bakah Modelling lam ah alut chho ta a ni. An chhungkua hi an thlahtu te atanga Christian tha tak ni in,  midangte tana luanchhuahna kawngah pawh Adline Castelino hi athawk tha hle a, NGO te nen thawk hovin lo neitu an retheih avanga mahni intihlum te chu avei em em a, loneitute tanpuina kawngah nasa takin tha athawh thin a ni.

Adline Castelino hian ram hrang hrang tlawh kuala zin leh photoshoot te nuam ati thin hle tih asawi a. Miss Universe 2020 thlanna lo awm tur atana inbuatsaih nan thla 8 vel hun ala nei a,  India tan Placement sâng tak hmu tura a inbuatsaih tur thu asawi bawk a ni.

- Moses NG

Beauty Pageant Expert and Analyst

(A hnuaia fakna hi lo hmet ve rawh.)