Aizawl | Feb 24, 2020: Basketball khel thin leh ngainatute ngahhlelh em em Mizoram Basketball Association buatsaih Mizoram Super League vawi 6na chu nakzan khian Hawla Indoor Stadium, Republic Vengthlang, Aizawl-ah tan a ni dawn ta.
Mizoram Basketball inkhawmpui tih hiala sawi thin MSL hi nakzan dar 7 hian Tip-off neih a ni ang a, Sports & Youth Services minister Robert Romawia Royte chuan khuallian niin a hmanpui ang.
Game hmasa berah Tuikual South leh Chawnpui te an inhmachhawn ang.
 |
| Tuikual South Team List |
MSL khuhhawnna ah hian Zaithiam Fiona Pachuau chuan 'Ro min rel sak ang che' a sa ang a, Mizo Dance Camp (MDC) leh Gnie leh Hriatrengi ten mipui an awi ang.
He hunah hian Club tin te chhuakin Players inhmelhriattirna leh Club Jersey tlangzarh a ni ang a, Oath taking neiin, Chamion lai Zarkawt BCA captain Matthew Sailo in a kaihruai ang a, Zarkawt Serpents Player mual liam ta Lalthankhuma sunna hun hman a ni bawk ang. Tip-off zawh hian TKS leh Chawnpui an inkhel nghal ang.
 |
| Chawnpui Team list |
He zanah vek hian Champion lai Zarkawt BCA chuan Champion trophy an kawl lai chu running trophy a nih avangin MSL organiser hnenah hlan letin, an kawl hlen tur, a tlukpuia siam chu MSL buatsaihtute hian Zarkawt BCA hnenah an hlan thung ang.
With Inputs from Nunu Sailo
(A hnuaia fakna hi i lo hmet ve dawn nia.)
Post a Comment
He post chungchanga i ngaihdan lo sawi ve rawh: