PZP JOINT HEADQUARTERS : AIZAWL NEWS

PANG ZIRLAI PAWL
Joint Headquarters : Aizawl

Aizawl | February 29, 2020 : Vawiin khân MZP Conference Hall, Treasury Square-ah Pang Zirlai Pawl, Joint Headquarters: Aizawl Kum 2020 - 2021 hruaitu thlanna neih a ni.

He hunah hian Pu. David Hnamsiamliana Senior Adviser chuan thu sawiin kan hnam tân leh kan ram tân theihtâwp chhuah turin leh rinawm tlat turin kal khâwmte a fuih a. Kan hnam hi lungrual taka awm turin leh ṭangrual zêl turin kal khâwmte a chah bawk.

Herbert Ramengmawia President PZP Gen. Headquarters, chuan thu sawiin kal khâwmte kan hnam nghahfâk kan nihzia leh theihtâwp chhuaha, mi thiam tak tak ni turin kal khâwmte chu a chah a. Hnam in lungrual tak nih a pawimawhzia leh kan hnam tan theihtâwp chhuah a ngaih thute sawiin. Kan ram tâna ṭha taka awm tur leh kan thil tiha chiang a, kan awmna a pianga rintlâk ni turin kal khâwmte a chah bawk.

He hunah hian Centenary C. Lalzahawma President PZP, Joint Headquarters : Aizawl pawn thu sawiin Pang hnam a din chhuah theih nan an inlungrual a ngaih thu leh, inlungrualna a awm phawt chuan ṭanrual a awl thute a sawi a. Kan hnama chiang tur leh mi rilru nghet ni turin kal khâwmte a chah bawk.

Golden K. Lalnunhlima Pang Zirlai Pawl, Joint Headquarters : Aizawl President thar pawn thu sawiin, Pang hnam hmun hrang hranga awmte inlaichinna ṭha zâwk siam tura theihtâwp a chhuah tur thute a sawi a. Hnutiang hawi lova hma lam pan zêl tur leh hnam tân theihtâwp a chhuah tur thu a sawi bawk.

First Session hman zawh a nih hnuin Election hi neih nghal a ni.

Election hi Herbert Ramengawia President PZP Gen. Headquarters chu Returning Office niin inthlan hi a kaihruai a, inthlan kalphung te sawiin inthlanna hi ṭan a ni.

PANG ZIRLAI PAWL, Joint Headquarters : Aizawl Kum 2020-2021 chhûnga hruaitu tûr hruaitu thlan thar te:-

1. President : Golden K. Lalnunhlima

2. Vice President : Ishmael C. Lalthanhawla

3. Secretary : C. Lalfakawma

4. Asst. Secretary : K. Lalrintluanga

5. Treasurer : Gospel C. Lalsiamthari

6. Fin. Secretary : Hlimthangmawia

Motto : “Deeds, not words”