Aizawl | March 2, 2020: Presbyterian Church of India Mizoram Synod hnuaia thalai pawl; Kristian Thalai Pawl general conference vawi 58-na chu nizan khan tluang takin a tiak ta. KTP General conference neih leh hmasak ber tur chu Kolasib khawpuiin 2022 ah an thleng ang a, 2024 khian Ngopa khawpuiin an thleng thung ang.
KTP General Conference vawi 58-naah hian thupuiah ‘Felna Hriamhrei’ (Rom 6:13) hman a ni a, Speaker-ah Rev. R.Lalrosiama, Field. Secretary chu hman a ni.
February 27 zan atanga tan tak KTP Gen Conf hi nizan khan tiakin, nimin piah khan Serchhip Kawnpui Kohhran Biak Inah rorel palai 1,104 ten ro an rel.
He hunah hian kum 2020-2022 chhunga Central Kristian Thalai Pawl hruaitu tur thlangin Leader thar chu Rev Vanlalmuanpuia Khiangte a ni a, a ni hi PCI Mizoram Synod thlan a ni.
CKTP Office Bearers 2020-22
Leader : Rev. Vanlalmuanpuia Khiangte (Synod Thlan)
Assistant Leader: Pu Rorelkima, Ramhlun Bial
General Secretary : T.Upa Rochungnunga (Synod Ruat)
Assistant Secretary : T.Upa Malsawmtluanga, Mission Vengthlang Bial
Treasurer : Pu PC Lalrinsanga, Dawrpui Bial
Finance Secretary : Upa Lalrinmawia Ralte, Khatla Bial
Committee Member-te
T.Upa R. Lalbiakmawia, Dawrpui Vengthar Bial
Tv. Benjamin Lalnunpuia, Vaivakawn Bial
Pu Lalrinchhana Ralte, Mission Veng Bial
Pu Lalruatfela, Bawngkawn Bial (Synod Choir Director)
Tv. K. Lalchhanhima, Ramhlun North Bial (Kristian Thalai Editor)
Pu Johny Lalthansanga, Chaltang Bial
Pu H. Lalrosanga, Luangmual Bial
Pu Ricky Lalremruata, Venghlui Bial
Upa Saihmingthanga Sailo, Electric Veng Bial
Pu Zosangpuia, Bethlehem Bial
Tv. Malsawmdawngliana, Republic Bial
Pu LV Lalthantluanga, Chanmari Bial
Pu Johnny Lalawmpuia, Armed Veng Bial
Pu Lalrempuia, Chanmari West Bial
Pu Lalremruata Pachuau, Bungkawn Bial
Pu Jonathan Lalhruaitluanga, Kulikawn Bial
Pu David Lalchhuanawma, Tlangnuam Bial
T.Upa PC Vanlalnunmawia, Venghnuai Bial
Upa F. Zoherliana, Zonuam Bial
Tv. Vanromawia, Chhinga Veng Bial
Upa Lalchharmawia, Zemabawk North Bial
Thurel te –
General Conference Vawi 60-na (Diamond Jubilee) lawmna programme siam ni rawh se.
KṬP General Conference leh KṬP Rorel Inkhawmah hian Youth Recreation Centre (YRC) pualin bawm dawh ṭhin ni rawh se.
YRC Budget kan kalpui mek, member pakhat zel chhuta kan pek ṭhin hi chhunzawm zel ni rawh se.
YRC puala inkhawm ṭum khat thawhlawm lakkhawm hi a ṭha e, kan ti.
Chhawmdawlna puala inkhawm ṭum khat thawhlawm lakkhawm leh ni rawh se.
Hospital Charity Fund pualin inkhawm ṭum khat thawhlawm lakkhawm ni rawh se.
Rampum huapin chawngheia ṭawngṭai rual neih ni rawh se.
HIV/AIDS darh zel tur venna kawnga hmalak chhunzawm zel ni se kan ti.
KṬP General Conference thlengtu pualin KṬP inkhawm ṭum khat thawhlawm lakkhawm ni rawh se.
Kumpuan Thupui hi ṭum li (4) zir tura buatsaih ni tawh rawh se.
KṬP kum puan thupui atan ‘Kristian Chhungkua’ (Joshua 24:15) East Lungdar Venghlun Bial leh Lungpho Bialte rawn thawh chu thlan a ni.
Ram, khawtlang leh Kohhranah ṭhalaite pawimawhna inzirtirna CKṬP in buatsaih rawh se.
Upa Lalmuanawma, Finance Secretary in Budget a pharh a, Kum 2020-2021 Budget atan ₹20,87,000 (KṬP pual bik budget head) leh Synod aṭanga KṬP puihna ₹39,19,000 nen belhkhawmin ₹60,06,000 chu pawm a ni.
Kum 2024 General Conference chu Ngopaah neih a ni dawn a, Ni 29 Feb - 3 March 2024 chhungin neih a ni ang.
Conference palai riaka kal zawng zawng chu mi 28,390 (as on 29/2/2020 12:00pm) an ni a, heng bakah hian counter lama in-report lem lo leh inrinni (29/2/2020) chawhnu lam thleng, duhna hmun hmuna thleng an awm nual a, khaw chhehvel aṭangin langa lokal mi engemawzat an awm bawk tih hriat a ni bawk.
Conference palai tena ni 1.3.2020 chawhma dar 10:00 thlenga motor an hman record chin chu hetiang hi a ni:
Bus: 272
Sumo: 432
Two Wheeler: 2,596
Car: 1,060
Pickup: 186
407 Truck: 9
207 Pickup: 26
KTP Conf thlengtu Serchhip khawpui a Pastor Bial pathumte hian Organising Committee hnuaiah Sub Committee hrang hrang 9 dinin Conf Budget pumpui atan hian Rs nuai 70 ruahman ani a, sawrkar hnik buai lova kalpui nise tih a anih leh hnuah Nuaih 60ah tihhniam leh nimahse Sub Comtt hrang hrangte Budget erawh tihniam sak annilo a, inremchem deuh tur tih anni thung a ni.
CKTP hnuaiah hian Pastor KTP Bial 192 leh rampawnaah -15 Total- 206 awm in Branch KTP ramchhungah = 831 leh rampawnah avaiin -879 an awm mek a, KTP Members Mipa- 154441, Hmeichhia- 151283 Avaiin- 147665 an awm mek. Member tamna ber Bial hi Ramhlun North Bial niin Member 2370 an awm a, Member tlemna ber Bial hi Buarpui Bial niin Member 41 an awm a, Member tamna ber Branch hi Mission Veng Branch niin Member 1536 an awm a, member tlemna ber Branch chu Peren Branch (Kohima Bial) niin member 3 an awm mek a ni.
(A hnuaia fakna hi i lo hmet ve dawn nia.)
Post a Comment
He post chungchanga i ngaihdan lo sawi ve rawh: