Aizawl | Jan 28, 2020: Zo Re-Unification Organisation (ZORO) Ṭhalai chuan vawiin khan Aizawl Press Club ah chanchinbumite kawmin Zofate inpumkhatna atan hmalak an tum tih an sawi.
ZORO Ṭhalai President L Ramdinliana Renthlei chuan, "Eng tik ni ah emaw chuan hmun hrang hrang a Zofate hi rorelna pakhat hnuaiah kan la awmkhawm dawn a, hei hi kan beisei leh nghakhlel taka kan thlir reng a ni." a ti a.
"ZORO thalai te chu a tul ang apiangin hmun hrang hrang a Zofaten min mamawhna hmunah leh an thlavang hauh turin a che chhuak zel dawn a ni." a ti bawk.
ZORO Ṭhalai president rual hian ZORO President R Sangkawia, ZORO Ṭhalai vice president pathum Michael Lalramsanga, Zohmingthanga Zote leh Solomon Molsom bakah General secretary pahnih H Lalthuthlunga Zate leh Lalentlinga ten an tel a ni.
ZORO (Zo Reunification Organisation) hi Zofa hmun hrang hranga cheng hruaitute May 19-21, 1988-a Champhai khawpuia inhmukhawm ten May 20-a an din a ni a; a thil tum chu Zofa khawvel hmun hrang hranga awm te rorelna pakhat hnuaia awm hi a ni.
(A hnuaiah hian ZORO Ṭhalai Press Statement kan dah e.)
PRESS STATEMENT
Dated: Aizawl | Jan 28, 2020
@Aizawl Press Club
ZORO (Zo Reunification Organisation) hi Zofa hmun hrang hranga cheng hruaitute May 19-21, 1988-a Champhai khawpuia inhmukhawm ten May 20-a an din a ni a; a thil tum chu Zofa khawvel hmun hrang hranga awm te rorelna pakhat hnuaia awm hi a ni. Tunah hian ZORO chuan he rorelna pakhat hnuaia Zofa zawng zawng awmkhawmna hi a tum a la ni reng a, tumna a awm reng chuan a hlawhtlin hun pawh a la awm ngei ang tih hi kan ring tlat a. Tin, Khawvel hmun hrang hranga awm Zofate kan inpumkhatna tur leh kan insuihkhawm theihna tur kawng awm thei apianga hmalak leh chumi kawnga rilru zau tak put leh Zofa chipeng hrang hrang hnam ziarang leh thilte a theih ang ang a humhalh leh chawisan hi a tum a ni bawk a ni. ZORO thiltumte a hlawhltin theih nan hian ZORO Thalai chuan hma a la zel dawn a ni.
ZORO hian Zofate rorelna pakhat hnuaia awm hi a thil tum a nih chuan, "Independent hi a tum tihna a ni em?" tih hi zawhna awm thei a ni. Zep tur a awm lo, Nationalist reng reng chuan Sovereignty hi an duhthusam vek a ni ang. Hma kan sawnin kan thatpui ber ang tih pawh a rin theih ni.
UNO thlazar hnuaiah hian kawng hrang hrangin khawvel hnam hrang hrangte inrelbawlna kawngah hma lak a ni a, Sovereign state te an telna a awm a, Sovereign state ni kher lo telna chi hrang hrang a awm bawk. UNPO (Un-represented Nations and Peoples Organisation) te an ti a, UNPFII (United Nations Permanent Forum on Indigenous Issues) te leh a dang dang a awm bawk. Chuvangin khawvel hriatpuia kan chanvo diktak chang tura beihna (claim of rights) tur kawng hi chu a awm a, hemi chungchangah hian ZORO chuan nasa takin hma a lo la tawh thin a, ZORO thalai chuan hma kan lak chhunzawm zel dawn a ni.
ZORO chuan chhan hrang hrang avangin Zofa te hi hnam khat ni mah ila kan chet dan phung, tihdan, tawng chungchangah te a inang vek thei lo tih a pawm a, chuvangin Zo hnampui Zofa chhungah hian Zo hnam peng hrang hrang kan awm tih a pawm a, chungte chu anmahni nihnaah theuh hnam anga thlamuang tak leh hlim taka an awm ve theuh hi a duh a, chu chu a tum a ni. Chuvangin hnam hming chungchangah ngaihdan inang lo a awm thin a ZORO chuan duh loh leh pawm loh a nei lo va, heng hnam hming pawmtute leh pawm lotu zawng zawng nen ZORO chuan Zofa zawng zawng chu a huam vek a ni.
Zofate hi khawvel hmun hrang hrang India, Myanmar, Bangladesh leh khawvel hmun dangah kan awm a. Min awmbettu ten ramri min siamsak mah se la, ram chuan ri a nei a, hnam erawh chuan ri a nei lo a ni. Min awpbettu ten kan duhdan ni hauh loin ramri min kham sak a, International boundary-in dai min dan avangin leh ramri an kham avangin Zofate chu rorelna pakhat hnuaiah awm vek lo mah ila, rilru leh thinlung lamah inpumkhat takin kan awm thei a ni tih hria in ZORO chuan hma a la thin a. Ramri leh khawsak phung lo dang ta avanga mahni unau, mahni chi pui te ngei pawh inhre tawn tawh lo te, unau hmelhai a lo awm tawh te huikhawm a thlahkhat unau kan nih zia leh thisen inzawm kan nihzia hriattir hi ZORO thil tum pakhat a ni. Tawng a in an loh avanga unau hmel kan in hai thin hi ZORO chuan pawi a ti a, rilru zau tak pu chung leh in duhsak tawn tak chunga kan awmho a ngai takzet a, tawng a in an loh avanga unau kan nihna hi bo ta a ni lo a, kan tawng hman hi in ang lo mahse chung Pathian ruatsa, Thisena inzawm, Unau thlah khat vek kan ni.
Eng tik ni ah emaw chuan hmun hrang hrang a Zofate hi rorelna pakhat hnuaiah kan la awmkhawm dawn a, hei hi kan beisei leh nghakhlel taka kan thlir reng a ni.ZORO thalai te chu a tul ang apiangin hmun hrang hrang a Zofaten min mamawhna hmunah leh an thlavang hauh turin a che chhuak zel dawn a ni.
ZORO Ṭhalai
General Headquarters; Aizawl
Dated: Aizawl | Jan 28, 2020
@Aizawl Press Club
ZORO (Zo Reunification Organisation) hi Zofa hmun hrang hranga cheng hruaitute May 19-21, 1988-a Champhai khawpuia inhmukhawm ten May 20-a an din a ni a; a thil tum chu Zofa khawvel hmun hrang hranga awm te rorelna pakhat hnuaia awm hi a ni. Tunah hian ZORO chuan he rorelna pakhat hnuaia Zofa zawng zawng awmkhawmna hi a tum a la ni reng a, tumna a awm reng chuan a hlawhtlin hun pawh a la awm ngei ang tih hi kan ring tlat a. Tin, Khawvel hmun hrang hranga awm Zofate kan inpumkhatna tur leh kan insuihkhawm theihna tur kawng awm thei apianga hmalak leh chumi kawnga rilru zau tak put leh Zofa chipeng hrang hrang hnam ziarang leh thilte a theih ang ang a humhalh leh chawisan hi a tum a ni bawk a ni. ZORO thiltumte a hlawhltin theih nan hian ZORO Thalai chuan hma a la zel dawn a ni.
ZORO hian Zofate rorelna pakhat hnuaia awm hi a thil tum a nih chuan, "Independent hi a tum tihna a ni em?" tih hi zawhna awm thei a ni. Zep tur a awm lo, Nationalist reng reng chuan Sovereignty hi an duhthusam vek a ni ang. Hma kan sawnin kan thatpui ber ang tih pawh a rin theih ni.
UNO thlazar hnuaiah hian kawng hrang hrangin khawvel hnam hrang hrangte inrelbawlna kawngah hma lak a ni a, Sovereign state te an telna a awm a, Sovereign state ni kher lo telna chi hrang hrang a awm bawk. UNPO (Un-represented Nations and Peoples Organisation) te an ti a, UNPFII (United Nations Permanent Forum on Indigenous Issues) te leh a dang dang a awm bawk. Chuvangin khawvel hriatpuia kan chanvo diktak chang tura beihna (claim of rights) tur kawng hi chu a awm a, hemi chungchangah hian ZORO chuan nasa takin hma a lo la tawh thin a, ZORO thalai chuan hma kan lak chhunzawm zel dawn a ni.
ZORO chuan chhan hrang hrang avangin Zofa te hi hnam khat ni mah ila kan chet dan phung, tihdan, tawng chungchangah te a inang vek thei lo tih a pawm a, chuvangin Zo hnampui Zofa chhungah hian Zo hnam peng hrang hrang kan awm tih a pawm a, chungte chu anmahni nihnaah theuh hnam anga thlamuang tak leh hlim taka an awm ve theuh hi a duh a, chu chu a tum a ni. Chuvangin hnam hming chungchangah ngaihdan inang lo a awm thin a ZORO chuan duh loh leh pawm loh a nei lo va, heng hnam hming pawmtute leh pawm lotu zawng zawng nen ZORO chuan Zofa zawng zawng chu a huam vek a ni.
Zofate hi khawvel hmun hrang hrang India, Myanmar, Bangladesh leh khawvel hmun dangah kan awm a. Min awmbettu ten ramri min siamsak mah se la, ram chuan ri a nei a, hnam erawh chuan ri a nei lo a ni. Min awpbettu ten kan duhdan ni hauh loin ramri min kham sak a, International boundary-in dai min dan avangin leh ramri an kham avangin Zofate chu rorelna pakhat hnuaiah awm vek lo mah ila, rilru leh thinlung lamah inpumkhat takin kan awm thei a ni tih hria in ZORO chuan hma a la thin a. Ramri leh khawsak phung lo dang ta avanga mahni unau, mahni chi pui te ngei pawh inhre tawn tawh lo te, unau hmelhai a lo awm tawh te huikhawm a thlahkhat unau kan nih zia leh thisen inzawm kan nihzia hriattir hi ZORO thil tum pakhat a ni. Tawng a in an loh avanga unau hmel kan in hai thin hi ZORO chuan pawi a ti a, rilru zau tak pu chung leh in duhsak tawn tak chunga kan awmho a ngai takzet a, tawng a in an loh avanga unau kan nihna hi bo ta a ni lo a, kan tawng hman hi in ang lo mahse chung Pathian ruatsa, Thisena inzawm, Unau thlah khat vek kan ni.
Eng tik ni ah emaw chuan hmun hrang hrang a Zofate hi rorelna pakhat hnuaiah kan la awmkhawm dawn a, hei hi kan beisei leh nghakhlel taka kan thlir reng a ni.ZORO thalai te chu a tul ang apiangin hmun hrang hrang a Zofaten min mamawhna hmunah leh an thlavang hauh turin a che chhuak zel dawn a ni.
ZORO Ṭhalai
General Headquarters; Aizawl
Post a Comment
He post chungchanga i ngaihdan lo sawi ve rawh: