Aizawl | Jan 29, 2020: November 28, 2019-a Accident avanga boral Pu Lalramdingngheta leh Pi Laldinzuali fate Miriami te unau tana Central YLA kaltlanga ṭanpuina sum lut chu January 26, 2020 khan an chhungte hnenah Central Young Lai Association hruaitute'n an hlan.
Miriami te unau ṭanpuina tura Central YLA hnena sum lut zawng zawng hi a vaiin ₹. 5,17,700 a ni a. Heng sum lut aṭang hian cheng nuaih nga chu Fixed deposit-in bank-ah dah sak an ni a, sumfai ₹. 17,700 leh bank-a sum dah ₹. 5 Lacs transaction receipt chu January 26 khan Central YLA hruaitute'n a chhungte hnenah an hlan.
Miriami te unau ṭanpuina atana Pawl leh mimal hrang hrangin a chhungte hnena sum an pek hi a vaiin ₹. 15 Lacs chuang a tling tawh niin an chhung ten an sawi, niin CYLA information secretary thuchhuah chuan a tarlang.
Post a Comment
He post chungchanga i ngaihdan lo sawi ve rawh: