Miss Mizoram 2020 thlannaa Miss Mizoram Saitual 2020 lallukhum khumtu Fiona Lalțhahlui hi i lo belchiang teh ang.
Fiona emaw Fifi emaw Bawihte tia koh thin Fiona Lalțhahlui hi Lalhruaitluangi leh Lalthlamuanpuia te fanu niin December 15, 2002 khan a lo piang a. Saitual khua niin, Saitual venglai-a cheng leh khawsa niin Presbyterian Kohhran a lawi an ni.
Ft 5'6 a sang Fiona Lalțhahlui hian tunah hian Government Saitual Higher secondary School ah pawl 11 a zir mek a ni.
Hobby - Zai leh Badminton khelh.
Miss Mizoram a tel chhan?
- Kan Khua/District ti hmingțha tu ka nih theihna hun remchang ni a ka hriat vang te, he contest ațang hian hmasawnna kawng hrang hranga hmuh theih ka inbeisei avang leh hmeichhiate dinhmun chawisanna kawnga ke pen tu nih ka duh avangin ka tel a ni.
•• Website a Fakna lo lang i click apiang khan Explore Mizoram kal zelna atan tha i thawh ve a ni. ••
A duhzawng leh ngainat zawng hrang hrangte?
Lehkhabu duh: Chicken Soup for the Woman's Soul.
Actor/Actress: Angelina Jolie, Deepika Padukone.
Zaithiam: Lana Del Rey, Miley Cyrus.
Chawhmeh: Alu leh Arsa.
Hla : The Climb ~ Miley Cyrus.
Hmun: Saitual.
Model: Candice Swanepoel.
Relationship Status: Un-Married.
Kawppui atana duh zawng?
- Pathian țih mi, rintlak, rinawm, hmeichhiate zah thiam.
Mizo tualzal nuna hmeichhe dinhmun?
- Mizo hmeichhia te tunlaiah chhungkuaah an pawimawh em em a, chhungkaw tamtakah phei chuan eizawnna thlengin hmeichhia an pawimawh zawk a, kawng tam taka mipain tluk lohna pawh an nei niin ka hria.
Hnam ziarang chawisanna kawnga hmeichhe mawhphurhna?
- Kan thuamhnaw leh incheinain kan hnam ziarang a chawisang thei a, a tibo thei bawk, heihi kan fimkhurna tur pawimawh tak a ni. Kan nun kan uluka, Mizo hmeichhia ten pasal atan Mizo ngei kan thlan hi hnam ziarang chawisanna pawimawh tak a ni bawk.
Zo hnam inpumkhatna hi a thlen theih i ring em?
- Aw ring e, a chhan chu țhangtharte hian inpumkhat pawimawhna an aupui nasa tawh a, țan rual hi chakna a ni tih hi tuipui an tam tawhin ka hria. Chuvangin, engtikah emaw chuan, Zo hnam hrang hrangte kan la inpumkhat hi ka beisei tlat a ni.
Explore Mizoram i hmuh dan:
- A țha ka ti in a bengvarthlak hle in ka hria.
- H Zate
Founder/Editor
Explore Mizoram
•• Post hi link nen i lo share ve zel dawn nia. ••
(A hnuaia fakna hi lo hmet ve rawh.)
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: