RD deptt hmalakna thlirletna leh Award dawngtute chawimawina hlan; RD minister in tawngkam nem leh dam hmanga, dawhtheihna nena mipui hmachhawn thin turin BDO te a chah

Aizawl | January 10, 2019: Rural Development Department chuan vawiin khan Chawimawina hlanna hun leh RD hnuaia scheme hrang hrang hmalakna thlirletna hun Aijal Club, Aizawl-ah an nei a, RD Minister Lalruatkima'n a hmanpui.

RD Minister Lalruatkima chuan, "RD hi thingtlang mipui innghahna lungphum phumtu kan ni a, kan hna hi i ngaipawimawh fo ang u" a ti a, "A theih hram chuan tawngkam nem leh dam hmang hram hram tur leh dawhtheihna nena mipui hmachhawn thin turin ka duh che u a ni" tiin BDO kalkhawmte a chah.

RD minister Lalruatkima chuan chawimawina dawngtute fakin, Khawpuar leh Khamrang VC te an fakawm a, Sawrkar hmalakna te VC tel lo chuan a tluantling thei lova," tiin tang sauh sauh turin a fuih a. BDO te pawhin scheme hrang hrangah duhsak bik an nih theihnaah duhsak turin an mahni bialtu BDO te a chah bawk.

Mizoram chhunga RD hrang hrangte a tlawh tawh thu sawiin, a la tlawh loh leh a tlawh tur khuaah te Mi hlawhtling te a tlawhchhuah theih nana lo dap chhuakin turin BDO kalkhawmte a chah a. Kan ram tana ro tling tur leh nakina chhawr tgheih tur hmalakna tur ngaihtuah chhuak thiam tura chahin, SDO leh BDO hna chanpual sem zai dan tur leh LAD leh RD kalkawp dan tur sawrkarin a ngaihtuah mek thu a sawi bawk.

Rural Development Department hian nikum khan category 6 ah national Award pakua; Shyama Prasad Mukherji Mission Rurban Mission (SSMRM) for Overall Performance (Small States/UTs) ah pahnihna, Implementation of SECURE and Work Completion under Mahatma Gandhi National Rural Employment Guarantee (MGNREGA) ah pakhatna, 3rd Rank in DISHA,  1st Rank in Financial Inclusion under Deen Dayal Antyodaya Yojana – National Rural Livelihood Mission, 1st Rank to Champhai District for MGNREGA Work Completion leh Best Performing Gram Panchayat pathumna dawngin hei hi Khawpuar khuain an dawn a ni.

Heng bakah hian ‘Individual Awards to Field Functionaries for Excellent Work’ under – Pradhan Mantri Awaas Yojana – Gramin (PMAY-G) chu Khamrang VCP Robert Lalramchuana leh VLAA Serchhip Block Zirsangliani ten an dawng bawk.