Aizawl | January 25, 2020: Mizoram Public Work Department in tunhnaia Section Assistant hna ruak pariat hnawhkhah a tumnaah dilna sang thum chuang lutin, diltu mi sangthum chuang an awm.
SA hna ruak hnawhkhahna tur hi December 11, 2019 khan thuchhuak tihchhuah a ni a. Dilna thehluh thheih hun hnuhnung chu january 15, 2020 a ni. He hna-ah hian mi pariat lak tur an ni a, mi pahnih chu vohbikte atanga lak tur niin mi nawlpuiin an inchuh hi hnaruak paruk a ni ta a ni.
Hnaruak diltu hi sangthum an chuang a, mahse, 3500 erawh an kai lo niin Explore Mizoram chuan thu a dawng a. Thudawnna chuan office lamah chinfel tur a la awm avangin dilna lut zat tak hi sawi fak thei a ni lo a ti.
Thalai hna zawng leh hna nei lo an tam si a, sawrkarin hna a siam lo emaw hna siam thei tur company a ding thar emaw sawrkarin thalaite chhawr thei tur Company a ko lut a nih loh chuan thalai hna nei lo leh lehkha thiam hna nei lo hi an pung zel dawn niin a lang.
- H Zate
Founder/Editor
Post a Comment
He post chungchanga i ngaihdan lo sawi ve rawh: