MPYCC in mipui tawrhna chu titawp vat turin Mizoram sawrkar an phut

Aizawl | January 9, 2019: Mizoram Pradesh Youth Congress Committee (MPYCC) te chuan vawiin khan Aizawl Press Club ah thuthar lakhawmtute kawmin nimin a Principal Director Health & Family Welfare Department thuchhuah siamah Thisen mawmawhte hnena pek dan tur leh Sorkarin Health Care Scheme a kalpui danah felhlel a awm niin an sawi.

MPYCC te hian sorkar thuchhuah ah Mimal emaw leh eng Hospital pawh Civil Hospital atanga thisen la turte chuan thisen an lakchhuah dawn in, Director, Hospital & Medical Education hnen atangin phalna lak zel tawh tur a nih thu an sawi a. Hei hi mipui te tan hmanhmawh thilah te harsatna thlentu anih an rin thu leh Damlo chhungte tan tul lova buaina a nih thusawiin, sawrkarin Health Care Scheme a duan fuhloh avanga Private leh Kohhran Hospital te hrem tumna a ni thei em tih chu an zawhna a nih thu an sawi. 

MPYCC te hian Private leh Kohhran Hospital-ah Sawrkar hnathawk tan MR a bill theih loh thu leh mipui tan Healthcare a hman theih loh thusawiin, Sawrkar, Private leh Kohhran Hospital te inkar hi chinfel vat nise an duh thu leh , mipui tawrhna chu titawp vat turin Mizoram sawrkar an phut tih an sawi a ni. 

MPYCC chuan, Health minister  Dr R Lalthangliana hian a hna chanpual hi a tlin ngang lo a nih chuan bang ngam sela, Chieef minister Zoramthanga hian lirtheia vakvelte nunphung tikhaihlaka No Parking-a motor park-in, office hour pel thak thakin badminton khel tawh lo sela, thil chinfel ngai chingfelin ram leh hnam tan a ngaihtuahna seng zawk se tuh hu Congress ṭhalai hqrs thuchah a ni, an ti.