Aizawl | January 9, 2019: Non-Government Hospital Association of Mizoram (NGHAM) vawiin a thukhawm chuan Sorkarin Blood Bank atanga thisen lak dan thar kalphung an tih chhuah leh Mizoram Health Care Scheme chungchanga an harsatna an sawiho.
Thutkhawmah hian Director, Hospital & Medical Education kal tlang a Damlo mamawh te tan thisen lak angai chu a kawng a thuiin damlo leh an chhungte tan harsatna nasa tak a siam thu an sawi a. Thisen chu nunna chhanna a nih avangin tuman tul lovah an dawng lova, Hospital te mamawh ni lovin damlo mamawh anih avangin NGHAM chuan Thisen lak dan hi a awlsam thei ang berin damdawiin thliar hrang lovin siam leh thuai nise an duh thu an sawi.
NGHAM hospital te leh sawrkar an la inrem theih loh avanga damlo mangang Hospital awm ngai tam zawk in medical reimbursement leh Mizoram Health Care Scheme an chhawr thei rih lo chu pawi an tih thu thutkhawmah hian an sawi a. Sawrkar in an ngenna a tihhlawhtlin hma a harsatna tawk te hriatthiamna an ngen thu an sawi.
Post a Comment
He post chungchanga i ngaihdan lo sawi ve rawh: