BMP inkhawmpui pandal sak ṭan

Thingsai | December 16, 2019: BMP inkhawmpui pandal sak ṭan a ni. Pandal hi Thingsai Field ah sak niin vawiin hian bial chhung kohhran hnatlangpui neih a ni. Ni dangah chuan kohhran mal te tein hnatlang hi thawh ṭhîn tur a ni.

Baptist Mipa Pawl (BMP) hi Thingsaiah May 4, 1980 khan din tan a ni. Chutih lai chuan a hming hi sâp tawngin “Baptist Men’s Fellowship” tih a ni a, a lam a har deuh avangin 1983-ah “Baptist Mipa Pawl” tia thlak a ni. BCM Assembly 1988 chuan BMP hi Kohhran hnuaia Fellowship pakhat ni turin a lo pawm ta a, chuta tang chuan Tualchhung Kohhran hrang hrangah din phal a ni ta bawk a. Assembly chuan BMP Inkaihhruaina Dan ruahman chu a pawm nghal bawk a ni.

BCM Assembly 2006 chuan BMP din ni atan Thingsaia a din tan hun 4 May 1980 chu BMP Day atan a pawm a, chuta tang chuan kum tinin BMP Day hi hman thin a ni ta a ni.

2018 BCM Statistics in a tarlan dani BMP member hi 15684 an awm mek a ni.

Mizoram Baptist Mipa Pawl (BMP) Meet vawi 3-na, February, 2020-a Thingsai-a neih tûr thupui atan “Isua zuitu rinawm” tih chu an thlang fel a ni.