Aizawl | December 16, 2019: India danpui kalh a Citizenship dan siam ṭhat Citizenship (Amendment) Act 2019 dodalna kal zelah North East Students' Organisation (NESO) chuan vawiin khan Supreme Court ah khinna petition an thehlut.
CAA hi dodalna a nasa hle a. North east state hrang hrangah Mizoramah pawh dodalin mipui an pungkhawm mup mup a ni.
NESO bultuma dodalna hrang hrang, Total Bandh leh thil dangte neih tawh hnuah vawiin khan supreme court-ah petition thehluh a ni a. He thu hi Exploremizoram.com chuan NESO Finance secretary Ricky Lalbiakmawia hnen aṭangin a dawng a ni.
NESO finance secretary Ricky Lalbiakmawia chuan, NESO in Supreme Court a CAA a khinna chu December 18, 2019 khian ngaihtuah a nih tur thu a sawi.
NESO ah hian North East state hrang hrang zirlai pawlte an tel a, MZP pawh NESO ah hian telin tunah hian MZP chuan NESO ah hian Finance secretary dinhmun a chelh mek a ni.
NESO ah hian North East state hrang hrang zirlai pawlte an tel a, MZP pawh NESO ah hian telin tunah hian MZP chuan NESO ah hian Finance secretary dinhmun a chelh mek a ni.
Post a Comment
He post chungchanga i ngaihdan lo sawi ve rawh: