MPL-A GOAL THUN HMASA BER BIAKTLUANGA A KAL TA

Aizawl | October 11, 2019: Mizoram Premier League-a goal thun hmasa ber, Lalbiaktluanga, Electric Veng chu vawiin chawhnu dar 3:15 khan stroke vangin a boral a, kum 33 mi a ni.

 

Biaka hi SAIL Football Academy chhuak a ni a, kum 2006 khan professional football contract ziak tura Goa-a a awm laiin thih ngamin a accident a, Mizoramah rawn haw in Mizoramah a hunpum a hmang a, ELECTRIC VENG FOOTBALL CLUB, Dinthar FC leh Luangmual FC-ah te a khel tawh a. SAIL Football Academy chhuak Biaka hian Mizoram senior team tan  Dr T Ao Football Tournament-ah pawh a lo khel tawh.


kum 2012-a Mizoram Premier League áš­an a nih khan match hmasa berah Luangmual FC tan Chanmari FC lamah goal a thun a ni.

 October 24, 2012-a Mizoram Premier League Season 1  match hmasa berah Luangmual FC tan Chanmari FC lamah goal a khung a, MPL history-a goal khung hmasa ber a ni.

Lalbiaktluanga hi kum 2010-a Red Ribbon Inter Village Football Tournament hmasa bera  Electric Veng an champion tuma Best Player a ni a, final-ah goal mawi tak a thun nghe nghe.

Biaka hi October 12, 2019 chhun dar 12-ah an chenna, Electric Vengah vui a ni ang.

ELECTRIC VENG FOOTBALL CLUB chuan Lalbiaktluanga boral chu an uiin an sun hle a, a kalsan tak a chhungte Pathian awmpuina an dilsak.


Mizoram Football Association pawhin footballer tha tak Lalbiaktluanga chu an ui takzet a, a kalsan tak a chhungte Pathianawmpuina an dilsak bawk.





Post a Comment

0 Comments